CHAPITRE XLIII
Comment on conseilloit au duc soi retirer plus avant en ses pays pour les langaiges qui couroient.
Le duc arréement se maintenoit tousjours en son commun pays; et pour brouillis ne pour chose qu'il véist ne oyst ne chà ne là , ne se desmut oncques en riens. Tousjours se tenoit en ung viel train et en constance de cuer ; ne de diversité de ch ses estranges que véoit à l'œil ne s'espouventoit; ne en amisté de parolles ne de promesses d'autrui ne mettoit fiance ; sauve que assez de fois on lui dist à part : que sns feroit de soi retraire plus parfond en ses pays, et que le séjourner là ne lui estoit point nécessaire; car moult Couroient estranges languages et divers, et qui estoient de malvaise note. Si croy bien que le duc l’entendoit bien, et le notoit assez; mès soy confiant de Dieu et de son bon léal vouloir, disoit tousjours: qu'il parattendroit la journée, et encore quinze jours oultre, en l'honneur et faveur du roy, pour lui en donner tout son soul. Et de fait, pour avanchier ceulx qui devroient venir de la part du roy Eduard, où au moin, pour sçavoir quel espoir on poroit de la journée promise, envoya ung Henriet, chevaucheur, à Calais, et de là outre la mer en Angleterre, afin d'avoir certaineté aulcune du fait ou du failly. Lequel Henriet, pendant qu'il estoit en Angleterre, et que là on le tenoit sans délivrance, y demora ung mois allant et venant, et passa la journée non tenue, et quinze jours encore outre, en admiracion de chascun, qu'on n'en aprist nulles novelles, combien que, tout ainsi qu'il en avint, tout ainsi en avoit esté jugié que riens ne s’en feroit, etque jà Anglois n’y tenroient journée ; car ne véoit-
on point que possible feust de atraire les deux !
CHRONIQUE DES DUCS DE BOURGOGNE.—IIF PART
roys en concorde sur l'intencion de chascun; car l'ung voloit avoir pays et provinces pour sa part droiturière ; et l’aultre ne voloit ne n'en eust osé rendre ung pié, pour la criée du monde. Mesmes estoit blismé encore et noté des léaux Franchois qui les avoient aidiés à conquerre , de ce qu'il chaudioit tant les Anglois d'avoir paix à eux, et qu'il en quéroit si fort l'amour ; et lui dist le grand séneschal de Normandie, messire Pierre de Brezé : « Sire, ce dist-il, volez-vous estre bien amé des Franchois, vos sujets et vassaux, ne quérez nulle amisté aux Anglois; car d'autant que vous y querrez amour, vous serez hay des Franchois. Faites-vous amer des princes de vostre royaume, vos parens et subgès, et tout le monde ne vous pora nuire, ne Anglois ne autres. Là gist votre salut, et là gist l’amour et l'amisté que vous devez quérir.» Ces languages icy se dirent à Novion, par ledit seigneur, qui mesmes les me raconta; et les ramaine en conte comme qui bien yservent.
Et par ainsi, se le roy tendoit à “fe à paix aveucques les Anglois, felle cuer ne lui portoit à voloir rendre terres ne pays; si entendoit-il, et ainsy le disoit-on, qu'il y pensoit venir par force d'argent, et par en donner chà et là en muititude de nombre; et s’en estoit assez déclairé’par ce parti. Henriet doncques, revenu à H:sdin, ne rapporta riens de bien, fors que tout estoit rompu , journée et promesse, et riens ne s'en tendroit. Anglois n'y voloient venir pour trois causes : la première si estoit, pour ce que Philippe de Savoie avoit esté pris sur la parole et seurté du roy, et tenu en dangier de son corps, qui leur.estoit cas de malvais espoir. La seconde si estoit, que novelles estoient venues en Angleterre, que le roy pareillement avoit fait contendre sur a personne du comte de Charolois , par estrange entreprise. La tierce si estoit fondée sur Le mariage du roi Éduard aveucques la fille du seigneur de la Rivière, qui, à celle heure, estoit sur ses nopces faire, et sur la solempnité de sa feste. Et pourtant prièrent Anglois au duc de Bourgogne , qu'on les tenist pour excusés devers ly. Au surplus, il pourverroit à l'expédient du plus faisable.
