CHAPITRE XLVI

Comment le roy envoya devers le duc, à Hesdin , lui prier qu’il ne se bougeast, et comment le duc s’en partist.

Or, se doutoit aucunement le ray du partement de son bel oncle de Hesdin, et ne tendoit que à le surprendre, visitant du jour à lendemain. Et pour ceste cause envoya devers [y ung maistre Georges Havart, son très privé ; et par icellui lui fist prier qu'il ne voulsist bougier encore de Hesdin, tant qu'il peust estre venu devers ly. Et le duc ascoutant ce, sans donner ne tollir, dist et re-pondist à celly maistre George : que, de son partir, ne sçavoit quand ce seroit;, mès il en avertiroit bien le roy ainchois. Et ne pot autre chose tirer ledict Havard. Cecy estoit par ung samedy, à heure de vespre ; et le roy entendoit venir à Hesdin le lundi ensuivant ; et y devoit mener aveucques lui, ce disoit-on, sa grand garde, là où le duc estoit tout seul, et mal accompaignié, et eu

dangier d'estre mis en tel ploy comme on eust volu, parson plus fort. Si ne dis point que le duc en avoit peur, ne que le roy visast à cela ; mès toute la généralité de la maison du duc, nobles et non nobles, réservé les Croyois, en avoient peur; et ne se doutoient que de ‘male mesure et de malvaise attente à tous lez, tant pour une chose que pour aultre. Dont, quand ce vint le samedi à my-nuit, après que le duc estoit couchié en son lit, abandonné de tout le monde, fors de son valet de chambre Philippe Martin, dist à icellui: que le matin bien tempre on feist ordonner ses soinmiers et des offices touchant ly, de ses chevaux et de tout ce qui appartenoit au partement; car s'en voloit aller, et s’en iroit, à l’aide de Dieu, gesir à Sainct-Pol.

Et cela demora secret à tout le monde, fors à çe seul Philippe. N°y avoit ne Croy, ne évesque de Tournay qui en sceussent riens, ne le sire de Lannoy, ne autres, qui tous s'attendoient, mesmes au lundi, que leroy y devoit venir, et que maistre George Havart, qui couchoit ceste nuit à Hesdin, s’attendoit à cela que le duc ne partiroit point à haste. Et par ainsi trestous se trouvèrent durement débarretés le dimence au matin, quand ils oyrent le murmure de ce partement. Et ne vit-on oncques gens si confus comme j'en vis à celle heure aulcuns, férus au front comme d'une fonde en esbayssement, non sçaichans dont ceci pooit venir, ne par quimoyens, mettans tous argumens contre eulx et souspecion en eulx-mesmes de note et de charge. Tout le remanant s'en ensieuvi, princes et seigneurs, et tous autres gentilshommes. Et en contraire de ce que aulcuns en monstroient triste semblant, ceux ci, voyant eux et tout à escient, en firent joie et feste, disans qu'oncques ce duc mieux ne fit, et que trop avott attendu, et trop y mis à le faire, qui se souffroit abuvrer de soupes en miel, qui chier lui cousteroient s’il n'y avisoil.

Maistre George Havart estoit parti ce dimence bien matin, premier qu'il feust novelles de riens ; et s'en alloit battant ferrant devers le roi atout ce que sçavoit de novelles du duc, et de ce que avoit besoignié ; et ne pensoit jamès que ce partement se deust faire ainsi. Si fut à heure du disisr divers Île

roy; mais ne demora gaires après que novelles ne vindrent au roy, que le duc partoit, et que jà tout estoit troussé et baggué, et ly en voie. Si en devint le roy entrepris durement et tout esbay ; et ne sçavoit ceci à quoi interpreter , si non à mistère estrange, dont partie pooit tourner sur 1y par souppeçon, partie aussi sur le duc, qui y entendoit je ne sçai quoy de singulier par quoy il le fit. Et demora en cest estat environ huit jours qu'oncques ne bougea d'Abbeville, prenant avis sur ce qu'il avoit à faire sur ce partement; et le surplus de ses affaires. Et n'eust-on pas cuidié, seloncq le cas advenu, quil sen deust estre contenu ainsi comme il fist, ne à si peu d'envoi, ne de sieute après; car lui estoit de grand note et de grand peur ce pârtement, et beaucoup pesé sur ce qui en pooit ensievir. Et à ceste cause aussi, se avisa de pourveoir et de remédier à l'encontre de tout ce dont il pooit prendre imagination, que le partement se feust fait à celle cause, et avant que partir voulsist d'Abbeville de pié; quoy fil; et pourvéit en tout seloncq ly, et seloncq propre volenté dont il usoit, comme mieux lui sembloit de faire; et de quoy Cy-après nous parlerons plus au cler, quand présentement ii venra en conte.