CHAPITRE XLVII

Pourquoi l'imagination pour le partement da dac se

fist de Hesdin et hastivement.

Aulcuns poroiïent fonder ce partement icy en peur conceue ; aulcuns en despit et fierté de corage; aultres en cause raisonnable et légitime, et sur laquelle je m'arreste le plus. Quant à la peur, la voix en alloit aval les champs, que la personne du duc estoit en dangier à Hesdin, par conspiration couverte, et que pourtant lui, aucteur du cas, s’en estoit parti hastivement. Dont, de ce vrai fust ou non, je l'ignore ; mès vrai est que la voix couroit telle. Et au regard de la peur, se le duc l'avoit conceue ou non, je m'en tais ; mès ne vis oncques samblant en ly parquoy de peur on y peust prendre note. Mesmes estoit trois heures après midy, quand il se pa:tist

arréement, sans armures et bastons , accompagnié de nobles de son hostel sans plus, aveucques ung peu d'archiers en petitnombre; et s’en alloit devisant et esbattant comme se de riens ne lui fust ; et sans aste et sans force entra tard à Sainct-Pol , selon sa vielle coutame , qui n’estoit point signe de peur. Et au regard de despit, qui droit là se voudroit fénder, je ne dis pas qu'il n'y peust avoir apparence d’avoir avancié ce partement si fait, quand il y avoit matière entre le roy et ly, de quoy il pooit prendre argu; c'estoit qu'oncques nulle rien ne lui voloit accorder à sa priere, comme petite feust ne comme grande ; et derrainement, sur le fait de ce mariage , dont le refus fut jà deux fois, lui cuisoit, aveucques ce que autres matières avoit assez pour y fonder annui. Et quant est aux causes raisonnables et légitimes , èsquelles je m'arreste, je cuideroie que ce fuissent les plus apparentes et les plus vraies de toutes, et qui plus ont de fondement. Le duc regardoit en la venue du roy, deux choses; l'une si estoit excusation, pour laquelle il vendroit devers 1y la faire de bouce; l'autre si estoit requeste, à laquelle il seroit contraint de respondre. Quant à l'excusation touchant le fait du bastard pris, n'est de merveilles s’il la fuyoit, quand par y respondre, tant peu feust, il seroit constraint d'affermer ou nier l'excusation faite, et poroit estre entré, ce sembloit, en argu aveucques le roy à ceste cause, pour pis avenir ; ét d'avoir pris son excusation à bonne, poroit avoir torfait à son fils, à qui appartenoit la querelle. Et par ainsi, en non veullant prendre icelle excusation pour qui que ce feust, c'estoit matère d'estrif; et de la prendre légièrement à vraie et bonne, ce seroit fait de mol homme en si grand cas.

Quant aux requestes que le roy lui pooit faire, il les précogita en son cuer, à part [y ; à sçavoit et cognoissoit que le roy ne lui en passoit nulles; et ce qu'il lui er passoit, si estoit-ce feinte et pour venir à plus grand ; et au regard des requestes que faire lui poroit ou voudroit, il en regarda les qualités et condicions. Et peult estre, ainsi le croy, qu'il n'estoit pointen pourpos de les lui passer , car trop estoient de pois et de grand

GEORGE CHASTELLAIN

pour avoir le bastard dehors, par l'intercession d'autrui, et dont il appetbit bien à sçavoir le secret plus avant. Et par ainsi, par lui accorder sa requeste, ce lui feust tourné contre cuer ; et par la refuser à plat, c’estoit matère de rancune, et de quoi hongis et rumeur pourroient sourdre, qui bons sont à fuir à sage homme. Véez ci doncques les causes raisonnables, à mon avis, qui parer doivent le partement de ce duc si à subit, quand il n'est point de doute du contraire que le roy n'y fust venu à ceste cause ; et n’est pas sans cause aussi que j'en fais mes argumens d’ung costé et d'autre, pour en esclaircir le fons , quand le partement ainsi fait portera effect cy-après, là où il sera bon d'en sçavoir Ja nature.