CHAPITRE XLIX
Comment la seignetrie , tant de Croy que aultres, Grent wate chière à Sainct-Pol le soir, car le duc monstroit maulvais semblant.
À ce soir, à Sainct-Pol, firent matte chière le seigneur de Croy et son nepveu de Quievrain , car se percevoient bien que le duc avoit aulcun murmurement en cuer que point ne desgorgeoit; et se doutoient que ce ne feust encontre eulx et encontre leur secte :
car le semblant de ly envers eulx le portoit amsi, et avoit fait toute la matinée, qui mesmes les vis à ce matin tous trois ensem-
CHRONIQUE DES DUCS DE BOURGOGNE. — III PART
ble , l'oncle et les deux nepveux, le seigneur de Lannoy et cely de Quievrain , les plus esbahis qu’oncques je congneusse ; car ne sçavoient ce partement tourner à nul entendement, si non contre eulx , et qu’en eulx avoit matère de souppechon et de malice, de quoy mesmes s’accusoient en leur conscience ; et pourtant, comme malvais et desléaux, sous simulacion de bonnes gens et preudommes, feignoient estre courrouciés de ce partement, de peur de l’inconvénient qui en poroit torner sur leur maistre ; mès le courroux principal se fondoit en eux-mêmes, pour ce que, par ce partement, ils estoient frustrés de leur intencion, et en rompture de leur prétendre, comme cy-après se trouvera temprement , là où leur malvaiseté sera descouverte , et manifeste leur faulse malvaise trayson, non oncques oye telle. Si apperra à priemes ici le droit et le tort du duc encontre son fils, sur maintes doléances et plaintes que ledict son fils lui a faites du seigneur de Croy et des siens, et sur la jornée d'Anvers et de Bruges , là où le duc, à intencion de bien faire, toujours contraria au dict son fils ; porta et excusa cely de Croy; le prononcia preudomme et léal chevälier, procureur, et augmenteur de sa gloire; et non voullant croire qu’en ly peust avoir faute ni laicheté, maintenoit son propre fils estre inventeur contre ly, ce disoit, par haine et par envie.
Si convient bien noter ici, quand le duc les maintenoit estre si bons et “Jéaulx que de les croire devant son fils véritables et nets, que tant plus, à l’eure quand leur malvaiseté sera prouvée et attainte et non plus longuement tollérable sans finale perdicion, seront plus confutables aussy et plus reprouvables de Dieu et de leur maistre, qui si longuement en a esté abusé en bonne fiance, combien qu'encore une espasce cy-après il en sera abusé et endormi comme devant , nonobstant multitude de malvaistés à luy démonstrées, et lesquelles il percevoit bien; mès ne les vo— loit croire en racine, parce que les aultres l'endormoient tousjours en parolles, et lui tournoient le cuer là où ils voloient, comme plus à plein se devisera cy après; comment € par quelle manière ils ce firent.
