CHAPITRE XLVIIL

Comment ceux de la justice de Hesdin vinrent incontinent après le duc, pour sçavoir qu’ils auroient à faire.

Comme doncques en l'apprestance de ce partement si soudain tout le monde murmurast par la ville, et que les officiers et les gens de justice entendoient la voix qui couroit, et qui porta dangier , se mirent ensemble trestous; et venus devers le duc par moyen pour parler à Iy, lui demandèrent, seloncq les novelles qui coroient, quel chose lui plairoit qu'ils feissent, ou mettre garde as portes et as murs , ou les tenir closes , et comment qu'il voloit qu'ils se maintenissent. Là avoit Lyonel de Hongnies, bailly de Hesdin, le maire de la ville, et tous les autres officiers; et leur respondit le duc ainsi : « Faites de la ville et de la garde comme vous avez accoustumé. Je ne pense point estre en guerre ne en doute de nullui. Se monseignear le roy veult venir ici, Ou aucuns de ses gens, recevez-le, et l'honorez , et servez tout autre-tel comme se j'y estoie; et soit fort, soit foible, n’en faites point de refus. » Tout autre-tel en dit aussi au capitaine du chasteau, Jean de Beauval ; et ne voloit pas qu'on monstrast aucune difdence en sa personne, ne en nul de ses gens, se ce n'estoit que la souppechon y fust si évi-

compétence ; et doutoit bien que ce ne feust ! dente qu'à tout le monde apparust vrais.

Dont, tout ainsi comme il en ordonna en fut fait. Et demora la ducesse de Bourbon, après le duc son frère, à Hesdin, depuis le dimence .jusques au merquedi au disner, pour surattendre le duc de Bourbon son fils; lequel n’y vint point, car n'estoit point encore heure. Or est vrai qu'ensi que le duc alloit par les champs , vers Sainct-Pol , ung bastard de la Tieuloie, page du duc, et légier en parler, s'avança d'aller devant, à Lille et là entour ; etten passant chemin, parla assez à légier de ce partement, et par où il passoit, semant, comme on lui imputoit: quele duc estoit parti à baste et à peur, et que, s’il ne se fust hasté si fort , il estoit en danger de son corps. Si donna-on grasce à ce bastard que, de ses parolles ainsi semées, tout le pays en devint plein ; et s'y arresta tout homme ; et mesmes lui veau à Lille, en dit autre-tel par la ville; et sant que le commun d’icelle se mist en armes et en disposition pour aller au-devant de leur prince, et pour le rescourre et deffendre. Et ainsi l'eussent fait, ne fust qu'on apprist du contraire tantost, de bouce plus arrestée , et qu'en sa personne n'avoit point de dangier. Si en vindrent les novelles aussi au duc, qui, de malvaise follie et de grant légierté en accusoit son page menteur, et l'en jugeoit digne de punition, combien que ce Jui mouvoit d'ameut et de jalousie envers son maistre; et comme soy fondant en légers languages, comme il avoit la condicion de mesmes.