CHAPITRE LI

Comment le roy, fort indigné de La prise du bastard de Reubenpré, par le comte de Charoloiïs faite, envoya devers le duc Philippe demander trois choses.

« Monseigneur, le roy nous envoie présentement vers vous pour exposer de par ly aucunes haultes et très grièves doléances, lesquelles il a en cuer, et lesquelles aussi lui touchent à son honneur et à dure charge de sa renommée. Monseigneur, il nous fait ex poser et vous dire : que , comme il est vrai et notoire que ly ayant sceu que le duc de Bretagne , son désobéissant, avoit envoyé en Angleterre son vice-chancelier, maistre Jehan de Rouville , en abit de jacopia , afin de quérir et avoir alliances aveucques les anciens ennemis de ce royaulme, les Anglois, en grand préjudice et lésion de 1y ou de la chose publicque, et mesmement en crime et offense de sa majesté , à quoi il lui séoit remédier et pourveoir par voies opportunes et convenables , ains tost que tard , le roi sçaichant ce par vrai rapport, mist sus et fist apprester une barge et en commit chief le bastard de Reubenpré, affin d'aller au pays d'Hollande, pour là attendre et apprébender, se trouver le pooit, ledict vicechancellier ; car avoit esté averti que devoit faire son retour par devers monseigneur de Charolois, vostre fils, pour lui dire et signifier ce que fait aroit et besognié aveucques lesdits Anglois ; et ce par l'ordonnance et command de son maistre le duc de Bretagne , comme ayans entre eux secret entendement et considération ensemble: et de quoi , les favorisans et consentans encheurent le crime de lèse-majesté, et une mesme peine et offense aveucques le délinquant; et lequel crime fait à punir et à rebouter, comme qui pire est que cely dont l'aer put. Or est à venir que le roy, tendant seulement au bien universel de son royaulme , et à seureté aussi de sa privée personne, pour mieulx obvier à l'inconvénient de telle entreprise à l'encontre de ly, et pour rompre icelle, désiramment a tendu à faire appréhender la personne dudict

vice-chanceher, afin de sçavoir par ly et interroguer de l'eflect de ceste matère et de ce qu'aroit besongnié en Angleterre , ensemble et de ce qu'avoit eu de charge ct d'entreprise touchant les rapports que devoit faire au comte de Charolois vostre fils, pensant que, se faire le pooit appréhender, lesdites alliances et conspirations contre ly en porroient estre frustrées, ou au moins prévenues par sens et moyens en contraire, comme en tel cas afliert à y mettre remède.

» Or est ainsi, que le bastard de Reubenpré, arrivé ainsi en Hollande, et ayant pris port , monseigneur de Charolois a fait prendre et appréhender ledict bastard ct arrester son navire, aveucques nombre de ses gens ; et nonobstant que. sçavoir peust et conguoistre que serviteur feust au roy, et là venu en sa légation , touttevoies le fist mettre en prison et en estroite garde, sans que apparu lui feust d'aulcun mesfait par ly perpétré, ne que cause mesme eust aulcune de soi doloir de sa personne , si non que sembler poroit que ce eust fait par irrévérence du roi et à son desplaisir, comme il est notoire. Et en est le roi assez averti qu'il ne l'aime point , dont il ne scet la cause, ne ne la peult nul conjecturer, se non que ce fust pour ce qu'il lui a tollu sa pension. Et néant-moins cecy avenu ainsi, ne lui a soufli encore d'arrester et de faire prendre le serviteur du roy à tort et sans Cause, a fait corrir la voix prestement par lous pays, que le bastard estoit venu là par charge du roy, pour prendre mesmes et appréhender sa personne , ou de faire aulcun esploit en son corps par force et violence.

Dont, pour en avertir vous, monseigneur , comme son père , lors estant à Hesdin, envoya devers vous Olivier de La Marche , vous informer de ceste entreprise sur lv, et de la commission donnée au bastard , pour sçavoir quelle chose vous en plairoit estre faite; et lequel Olivier, par tous les lieux où il passa en venant vers vous Sema ceste voix, et publia que le roy avoit tendu à faire prendre monseigneur de Charolois par ledict bastard, et qu à ceste cause avoit esté appréhendé et mis en prison. Et de quoi le roi innocent, et non ayant oncques le volu penser, fors seulement à la prise du vice-chancelier et non aul-

rement, et afferme, en parole de roy, que ainsi et non aultrément va-il de la chose, se doit bien plaindre et amèrement doloir de monseigneur de Charolois qui, non content à tant œue d'appréhender son serviteur en sa commission, et à son déplaisir, s'assaie et s'efforce à le blessier encoré en sa renommée et bonne fame; et laquelle chose lui peut et doit bien cuire et estre griève à porter; et tant plus comme il y a moins de coulpe, et que ce il fait à mjuste cause. Et d’abondant, et comme se encore ne suffit ce qui en à esté fait et fait fâire par 1y, il a fait et fait dire par Olivier de La Marche encore de plus en plus fort. Et pour tant plus diffamer et esclandrir la personne du roy par l’univers monde , en Bruges , où s'assemblent, ce diston, les nacions de dix-sept royaulmes crestiens, lediet monseigneur de Charolois, ou aulcun de par ly, ont faist preschier en chaire de vérité, par les esglises, ceste entreprise en sa personne, donnant tiltre et charge au roy qu'à ce il avoit entendu, et que pour cestui exploit faire avoit envoyé le bastard de Reubenpré en Hollande. Dont, comme la fame du mal va plus tost que du bien, il en ensievoit que le roy, non tant seulement en son royaulme ne ès marches voisines, porteroit ceste plaie et esclandre, innocent ; mesmes par l'univers circuit du monde lui seroit imputée charge en son honneur, par accusation mjuste ; et de quoi touttevoies il a bien espoir de y pourveoir et de soi en parer par manière convenable, et d'envoyer au contraire par tous les royaulmes et par devers tous les princes de crestienté , signifier son innocence en ce cas, et accuser mesmes du tort ceulx ou cely qui injustement lui ont donné celle charge. Ét certes bien doibt estre une amère

chose à ung roy de France, cely que l’on |

nomme le roy très chrestien, que d’estre escandely ainsi par son subgect, à tort et sans cause.

» En oültre, monseigneur, le roy nous a fait dire : que comme pour ceste matère et pour aultres , il avoit envoyé devers vous le seigneur de la Rosière, maistre George Havart , auquel vous promistes, pour et au nom du roy, que ne partiriez de Hesdin sans | premier l'en avertir, et de son sceu, toutte-

voies, ce nonobstañt , le contraire en est ap- :

GEORGE CHASTELLAIN

[1465] paru, .et en estes parti le lendemain, aveucques pareille et semblable voix, comme de monseigneur de Charolois, portant en effect que deussiez avoir eu peur que le roy ne vous feist prendre, se vous eussiez là continué aulcune demeure ; laquelle chose sonne moult estrange au roy, qui oncques ne le pensa; et se donne merveilles d'où vous peult movoir tele soupechon enyersly, quand il vous aime et a aimé et honoré devant tous les vivans, et le vous a libéralement et volontiers monstré, et encore de vouldroit faire. Mesmes pour amour de vous, et nonobstant que ailleurs il aroit bien à faire en aultres endroits et quartiers de son royaulme, devers vous et à vostre lez s’est tousjours trait et tiré devant tous aultres; et mesmes encore ceste derrenière fois, là où il s’est tenu toute ceste fois pour vostre amour et cause , et pour venir à paix et à concorde aveucques les Anglois, anciens ennemis de ce royaulme, par vostre moyen; qui n’est pas signe doncques que le roy vous voulsist mal, ou qu'il vous voulsist donner matère ne occasion par quoy vous le deussiez craindre.

En oultre , et que ceste peur et souppechon aient esté en vous, appert ; Car estes parti à baste, ce a-l-on rapporté au roy, et au desceu de beaucop de vos gens; et avez ordonné au partir de garder la ville et le chasteau, comme se ce fust en temps de guerre ; laquelle chose arguë assez de soy souppechon et cremeur encontre aulcun. Et du lez du roy, ce lui a esté matère de desplaisir et d'annui en cuer de ceste estrange manière!

» Le roy requiert trois choses. La première : que le bastard et ceux qui pris sont aveucques [y, soient mis à délivre francs et quittes , comme ses serviteurs ; leur vasseau restitué en tel estre et estorement comme il fut trouvé, et restoré de tous domages et intérests lui soient renvoiés sains et saufs, sans coust et domage.‘

» La seconde chose que le roy requiert, si est:que vous lui envoyez Olivier de la Marche , qui a fait semer et espardre cestes paroles mensongières sur ly, afin d'en faire punition telle que au cas affiert, et comme bon lui samblera.

» La tierce chose, c’est que lui faciez dé—

livrer et envoyer cely ou ceulx qui, en leurs sermons, l'ont ainsi diffamé en vostre ville de Bruges publiquement, afin de faire la correction telle comme pareillement il appartient au Cas. »

Tout au derrain, le comte d’Eu prit la parole alors , et dit: « Monseigneur, vous estes bon et sage , et l'avez de tout temps monstré ainsi. Vous avez oy les trois points que le roy demande, et lesquels lui samblent estre raisonnables et non de refus; parquoi , aussi bien maintenant que sans attendre vous les porriez bien accorder pour faire plesir au roy, Car en vous seul pend la response sans avis d’aultrui. — Déa! beau frère, ce dist le duc, vous ne faites que venir ; il ‘ne faut pas demander et ottroyer tout en une heure. J'ai bien espoir de tellement faire et respondre, que monseigneur le roy se devra tenir à content de moi. » Le comte d'Eu arrière redoubla sa parole ici, em plus aigre assiette, et dist: « Monseigneur, vous ferez et responderez à vostre plaisir ; mès, par mon conseil, vous renvoierez le Bastard au roy dont il est serviteur, ou il en pora avenir et avenra des maulx irréparables. » Et le duc à ce mot se leva, et dist : « Beau frère, j'ai aultrefois oy des manasses et de haultes paroles, dont gaires ne me suis meu; non fay-je encore de cestes-cy; à demain tout; vous, soyez le bien venu. » Et le comte d'Eu alors, soi humiliant , lui fit la révérence, et tourna son langage en bel.

Cecy fait ,et alors que chascun se tenoit en piés, entra en my le parquet, messire Jacques de Sainct-Pol ; et venant droitement en la face du duc , se laissa cheoir à ses piés, disant : « Mon très redoubté seigneur, j'ay entendu que messeigneurs les ambassadeurs du roy, qui ici sont, ont donné et imputé charge de trayson et de crime de lèse-majesté à monseigneur de Bretagne à qui je suis serviteur et de sa maison; de laquelle chose, se j'en puis estre creu ne receu pour y respondre , comme ung serviteur chevalier doit pour son maistre, lui absent, je m'offre icy et présente , sauve la majesté royale, de respondre pour ly en tous lieux, et à toute heure ; et qu'oncques il ne fit et ne pensa ehose de quoy on lui peust donner charge

CHRONIQUE DES DUCS DE BOURGOGNE.-—III PART

ne reproce en son honneur. Et, mon très redoubié seigneur, icy je vous prends en tesmoing et en preuve devant messeigneurs les ambassadeurs , que je me suis acquitté et mis en mon devoir pour le deffendre , lui absent, de toutes charges et reproces qu'ils lui ont imputées, et lesquelles je lui annoëcerai. — Beau cousin, ce dist lors le duc, vous dites bien ; et faites bien à recevoir en vostre offre. Beau cousin de Bretagne est ung noble prince et ung bon chevalier, ce me fieroie-je bien. — Messire Jacques, ce dist le comte d’Eu alors, nous ne sommes pas venus à la bataille icy; nous sommes venus en am

bassade , et avons déposé ce que le roy nous a fait dire. Au roy et à monseigneur de Bretagne bien leur en conviengne entre euix deux , ce n'est pas à nous d’en débattre. »

Et à tant se partit chascun , lung cy, l’autre Jà. Et prindrent congié du duc les ambassadeurs ; et s'en allérent en leurs ostels , là où les convoya le seigneur de Lannoy et aulcuns aultres qui estoient à leur poste et de celle secte; et le duc se retray en sa chambre aveucques son fils, à peu de mistère pour celle heure qui face à conter, se non qu'il s'attendoit à ly et luy agréoit de respondre au lendemain auxdits ambassadeurs. Et à tant print congié le comte , et s’en alla penser à ce qu'avoit à respondre sur tous les points; et venu à son ostel mesmes, alla de mot à mot tout nuit concueillir lesdits points; et former les responces dessus et les doléances, telles comme il séoit au cas ; et n°v avoit ne clerc ne secrétaire qui luy aidast, que sa main propre et son propre sens en firent la labeur.