CHAPITRE L

Comment l'auteur esveillé, mist en escript ceste vision, et comment les ambassadeurs furent felles et aigris de la response.

Atant fina sa raison ceste dame. Dont à l'instant, aveucques le finement du mot, je m'esveillai subit, et trouvai en vive impression et retenance les parolles dessusdites. Et alors, comme je sentoie et concevoie que de grand effect cstoient, et de grand importance là où elles servoient, et que de la part du roi elles lui estoient justement imputées et à vérité, dé: liberay aussi de les reciter et mettre par escript, afin de faire plus clère histoire. Car comme le secret de la matère présente pend en deux haulx princes, et en termes de crimes et foullement d'onneur d'ung costé on d'aultre ; par ceste remonstrance et proprement increpacion faite au roy par ceste dame, et de quoi j'ai eu la vision sommeillant, peuton tant plus clèrement congnoistre cy-après la querelle du comte et le tiltre de son deffendre, quand, non envers ly seul, mès envers tous les aultres, ses parens et vassaulx du royaume, il s'estoit mal porté et gouverné, et plus encore et plus grièvement envers ly qu’envers nuls autres; dont la douleur lui estoit tant plus grande.

Orestoient encore en Lille ces ambassadeurs du roy, le comte d'Eu et le chancellier, felles et enflés de la maigre response qui leur estoit faite, et que aultre conclusion n'avoient peut traire du duc ne de son fils en la deelivrance @u Lastard; et de quoi celui de Crog,

qui menoit tout ce personnage, moroit de peur et d'annuy, pour ja conséquence qui en tournoit sur luy honteuse. Mal contens et à gorge enflée s'en partirent ; et venus à Tournay allèrent susciter le peuple, et le animer à l'encontre du duc de Bourgvigne ct de son fils, par diverses et estranges doléanc:s que faisoient de culx, et par lesquels il les voloient charyier et accuser envers le roy, offenseurs, et dont ils prioient au peuple de l'avoir en leur mémoire, comme par manière d'indignakon encontre iceulx, pour en faire criée. Autre-tel en firent à Douay et Arras, là où ils ne furent oys ne creus; car on sçavoit clèrement que leurs par:ers movoient de haine et d'envie allencontre du duc et de son fils; et cstoient toutes contraires de vérité. Autre-tant aussy firent en passant par les bonnes villes sur Somme, Saint-Quentin et Amiens; et là s'efforcèrent , et à tout pooir, d'en aigrir et amencr lc peuple allencontre de eulx, par peur que avoientque guerre arrière ne sourdist pour ce bastard? Pourtant comme ces villes dessusdites estoient novellement recouvrées hors de la main de ce duc de Bourgoigne, et là où affection pooit avoir assise envers 1y, traveilloient à y mettre une renovellée amour envers le roy, par doléances et plaintes faites allencontre de l'aultre. Sy y avoit grand coulpe en cecy, et plus que nul aultre, le Chancellier, nommé de Morinvilliers, et natif d'Amiens, homme fort partial et tout propre au roy ct à ses meurs ; et lequel, pour homme vocqué à si haut estat comme de chancelier de France, s’estoit beaucop follement conduit en parolles à Lille ; et maintenant , esloignié du lieu, plus et plus encore en monstra

: à son blasme par malvais corage