CHAPITRE LVII
Comment messire Philippe Pot, seigneur de La Roche, remonstra au seigneur de Croy son desvoy et areuglement, comme ami fait à l’aultre.
En ce-tempore, et que cestes murmures se faisoient à Lille, touttes orribles comme vous oez, ct que toutes villes estoicnt pleines des termes que tenoient ceux de Croy allencontre du comte de Charolois, avint que ung jour me trouvai en la chambre dudit Croy, et {à où avoit plusieurs chevaliers et escuyers, gens de bien, devisans ensemble l'ung çà, l'autre là, assis sur banc et sur couche, comme de cos.
tume est en court. Si y avoir aveucques ledit de Croy, son nepveu. le scigneur de Lannoy, son nepveu aultre. le seigneur de Quievrain, et messire Philippe Pot, seigneur de la Roche ; tous quatre ensemble devisans de diverses choses, si comme on fait après disner. Lors me perceus et vis que cely de la Roche prist le seigneur de Croy par le bras; et, comme se faim eust de parler à ly en lieu privé, le mena en une galerie à part , arrière de ses deux nepveux. Et là, non sievis ne empeschiés de nullui, vis que devisèrent ensemble bien longuement. Et me perceus, si comme on pooit jugier à l'œil, que ledit de La Roche, moult aigrement parla, et de grandentente , à cely de Croy; et par samblant tenoit manière envers ly, comme se d’aulcun grand cas l'eust volu incréper et reprendre, et lui remonstrer aulcun son desvoy et aveuglement, comme ami fait à aultre , et comme deux frères d'ordre qu’ils. estoient sont tenus de secorir l'ung l'aultre en sens et er bon avis, et par espécial en ce qui touce à leur honneur et à l'utilité de la chose publicque. Si les regardai moult inten--
üvement, et y assis tout mon œil, ymaginant en moi-mesmes ce de quoi devisoient, el comme se j'eusse esté le tiers homme aveuc-
eseulx deux ; car, autresfois, et assez souvent, ledit de La Roche et moi avions tenu largement devises du fait de cely de Croy ; par quoy je conjecturoie que eulx maintenant pooient estre en porpos semblable. Dont, comme j'estoie privé à cely de la Roche, et fiable, je m'attendoie bien d'en avoir par
temps les devises aveucques icellui, et toutes’
telles comme elles avoient esté faites entre eulx deux. Si ne m'en menty pas mon cspoir; car la nuitic mesmes, comme je me trouvai à son couchier, et que je lui ramen- teus son long deviser solitaire aveucques cely de Croy, me dist prestemeat et respondit: « Hesse! te dirai de mot à mot la manière de nostre devise et la substance de la matère que nous avons maniée ensamble ; mès il fault qu'il n’y ait cy, que vous et moy, et que le remanant vuide dehors d'ici. »
Lors fist vuider chascun, et n'y demora ame que moy, là où assis en banc devant le feu, entrasmes en parolles. Et alors le chevalier, qui sage estoit, et plein de beau parler, commença sa raison en cesle forme : « Je vousay aujourd'hui, ce dist, bien regardé commient aviez les veulx en moy tandis que je parlai à monseigneur de Croy; et imaginai bien que en vous-mesmes, fasoyez silogimes et argumens sur nosire propos, Comme pour attain-
dre par pensée à ce de quoi nous devisrmmes
par effect. Or, sommes ici en nostre privé: et <omme aultrefois je me suis devisé à vous de moult de choses grandes et aultres , et entre les aultres qui ne sont point de petit effect, du faict du seigneur de Croy qui pend et est cheu en la murmure du monde, si me vucil deviser maintenant à vous, et à vous réciter le compte de nous deux aujoard hui, et la manière de uostre entrée, qui fus commenceur et moveur premier de nostre porpos. Si sscoute et en ten soingneux car je ne te mentirai de letre. »
GLORGE CHASTELLAIN.
