CHAPITRE LVIIL
Comment le seigneur de La Roche raconta à l’auteur les devises et les remonstrances qu’il avoit eus à celluy de Croy.
Lors fist son conte et dist icy etainsy :
« Je fis mon entrée, disant : Monseigneur, je vouldroie avoir moins cause de parler à vous ,-et de plus me taire à vostre joie qu'à vous rien dire à peu de fruit et sans profit ; mès comme je me voy obligié envers vous, tant pour cause de l'ordre comme de fraternité crestienne de noblesse, aveucques le serment que j'ai au bien et à l'onneur de la maison dont vous el moi sommes, et que je voys icelle perdre et branler en péril, soubs charge qu'on vous y donne, je m'avance, comme aultre-fois par cy-devant ai fait, de rentrer arrière en parolles avec vous, et de vous descouvrir, non pas seulement ce que mes yeux et mon cucr me rapportent, mès ce que cent mille bouces d'ommes recordent et prononcent, dont je ne suis que relateur.
Par cy-devant , quand les causes de moi parler à vous estoient moindres, si m'eflorçay-je néantmoins , à tiltre de bien, de vous servir et porfiter , à peu de gré, en vostre honneur. Et maintenant, quand je voy les causes plus grandes qu'oncques jamès, et les dangiers croistre sur vous aveucques le temps, se j'en devoie estre mal volu de vous plus cent fois, si ne m'en tairai-je. Que vault le | nguement celer ? Vous estes ung homme perdu, homme prochain de mille dangiers, dont la fin est mort, qui en multiplication de vos ans plus et plus multipliez en aveuglement, et dont la faute vous est confuse. Le monde crie sur vous toutes bouces d'hommes vous maudissent , et ne cessent de murmurer sur vos faicts ; et là où vostre présence et la veue de vous donne occasion d'en faire diver: contes, en chambres et en rues, aussi, vous absent, se ne honse-on que de vostre personne; les enfans meismes vont à la moustarde atout vostre nom, et les vieilles, atout leur queneule filans, vous noircissent de leurs lèvres. La terre se veult sourdre contre vous, et le ciel soi former vostre accuseur en crir#
Où sont vos yeulx, où est le sens d'ung premier chambrelan d'ung duc de Bourgoingne, le plus grand duc de la terre, et le mieux renommé , et lequel, en ensieuvant ]y, doit avoir aussi ung maistre chevalier garde de son corps de samblable nom et vertu ? Où est le conseil et avis qui se doit traire de vous en aultrui confort, qui, tout aveugle et ignorant en propre affaire, mettez perplexité en salut commune? Nc-vous percevez-vous, en allant sur la rue ou regardant par fenestres, des troppeaux que les gens font çà et là diverse. ment , nobles aveucques nobles , menue gens aveucques sorte pareille, meismes jusques à vos plus prochains accointés , buvans et mengeans tous les jours aveucques vous. Tous eulx ne parlent que de vous; tous ne se font que esmerveiller de vostre conduite ; et levans et relevans vostre cas etle tornans à tout ploy où il se peut mettre, n'y treuvent que mortel ontrage , et prennent toute hyde en leur entendement de ce qu'en vous per- ÇGoivent. Vostre dangier, aultrefois je l'ai veu remédia'le; mès maintenant le voy
hors du possible de y pourveoir; car plus
vivez, plus l'empirez tout volentiers, comme se de riens ne vous fust ; et que follie emprendre et outrage cenduire, ne vous peust donner blasme.-Quel hardement avez en vous, qui de si bault vous fait présumer, comme on voit que , à longue charge que avez portée d'avoir pris pointe contre le fils, couvertement et soubs fiction de preud'omie, machinez encore en la ruine du père; et après lui avoir fait perdre les villes et terres sur Somme , l'escu de ses pays, lui faites venir manasse de guerre en ceste sa ville, sur ung honteulx tiltre qui vous touce; c'est du bas-
tard de Reubenpré; ne de male-heure pour
vous, pour charge qui vous y append, ct puis encore pour la commission qu'il avoit prise et dont les procureurs sont à maudire.
Que pensez-vous, monseigneur de Croy?
Cuidiez-vous que les gens se doivent taire d'ung si hault et grand cas comme ici se voit, que vous, gouvernant le père, tenez son fils en indignation devers ly, et faignant estre on léal serviteur, vous vous maintenez ennemi de son enfant? Comme se devra tourner ceci,
PE
CHRONIQUE DES DUCS DE BOURGOGNE.—IITI° PART
énorme. Que direz-vous, ne que dirai-je ?
ne estre entendu, que homme face à croire d'amer le père et léalement le servir , et hair son seul fils et lui procurer meschief, voiant le père? Ne comment pora père amer serviteur, ne lui donner crédence , là où le serviteur monstre par effect au père que son fils n'a en grâce ? Déa! monseigneur , je ne vous vueille point charger ; mès le monde vous charge grièvement, et de quoi je vous suis avertisseur. Les habitans de bonnes villes des divers pays de dechà meisme , et de la maison
de ciens , ont veu les personnages qui ont esté
fais nagaires, l'année passée, en Anvers et à Bruges , et là où monseigneur vous porta, et vostre lignage, à l'encontre de monseipneur son fils ; le chargea de bourdes et de frivoles, et vous excusa et se loa de vostre service , et approuva votre preud'omie , comme cuidarît bien faire, et comme j'espoire que si. Mès non pour tant ceux qui ce véoient et ooient, et avoient conceu les doléances ct plaintes de leur seigneur avenir faictes contre vous, et icelles estre vivement prouvées et attaintes, et remonstrées où et quoy , par point et par articles, aveucques ce qui de soi-meismes, longuement et par diverses fois, s'estoit monstré en descouvert, certes, par révérence portée au père, et à qui ne voloient ne ne voudroient contredire , ils s'en tindrent à son dire. Mès n'entendez pour tant, que la pité conceue du cas du fils ne leur feust plus prochaine et créable que vostre excuse. Meismes tout deffendu et paré par monseigneur , le peuple vous crucifioit en son cuer , et vous maintenoit aultre ; car ils sçavoient bien que vous aviez vostre maistre par l'oreille ; que de tout en tout il reposoit sur vous, vous donnoit crédence, foi et fermeté, voloit ce que vous et desvoloit ce que vous non. Certes ce fit-il par vertu et haute bonté de 1y qui vous avoit norri quarante ans , dont tant plus vous tenoit fiable; mès à torner le feuillet, et vous voyant si grand et si eslevé , et que tout brandissoit soubs vous, et que vous aviez quis vos affuites en France et vos alliances en divers pays, et que les places frontières et maistresses de tous les pays, gissoient en vos
mains, aviez tout , et appliquiez tout à vous
et aux vostres ; le povre comte n'avoit rien, ne que ung bastard ; si n’avoit nullui; vivoit
en emprunt sur la compassion des pays de son père, rompu en Sa pension par vous, et chassié au fouet; prindrent certes en eulx tout entier contempnement de vostre personne, formée haine contre vous; et en couvert et en publique , réservé ceux qui à vous estoient, firent clameurs et pluintes à Dicu et as hommes de vostre oultrase, disans : « Cestes gens cy se veuiilent faire égaulx aveucques l'éritier du pays ; le veullent confondre et destruire pour eulx essourdre; se mettent en pointe contre ly, et se fortifient au bras de France; ne le craignent ne n'admirent ne que per à per; et là où sa puissance leur samble estre grande pour eulx , pour le temps futur, contendent et ont contendu à [a diminuer par subtils personnages, Et en effet, ainsi l'ont fait. Çà! ça! il y convient pourvoir. Croy bas! nous l'avons veu venir povre chevalier cyens ; et maintenant il sera maistre de nostre bériuer ct le chassera! À malheur jà n'aviengne; ne jà ne plaise à Dieu que homme le souffre ! » Véez-cy les languages que darrière de vous, et souvent tout au plus près à bas son se faisoient, vous donnant de grandes charges, et de quoi vous devriez avoir hyde de les porter. Et pour dire vrai, se l'effect est tel comme porte la criée, ne le peuple ne les pays de deçà n'ont pas grande cause de vous bien voloir ; moins encore le fils, et surtout moins encore le père, à qui vous avez, ce dient les gens, osté du col l'escu , lequel, en vertu et en fleur de sa vaillance il avoit conquis chevalereusement sur le plus haut roy du monde ; et vous, en son vivant, subülement et à praticquée fin, le lui avez fait reperdre en son dur opprobre.
Si en font leur plainte et regret. Toute qualité d'ommes vous en blasment et comdampnent, et détroncent vostre nom diversement. Et posé que grand soyez, et que tel vous congnoissent, et que vos léaultés voient bien et perçoivent tendre à haute fin, toutevoies , au fort venir, ne vous ammirent, ce dient, et n'ont que faire de vous, ne de riens y quérir;
vous congnoissent homme de fortune , fait et
eslevé as mains ,assis en degré variable, non béritable pour vous, ne connaturel, et non aultrement, fors buy assis, demain rué en bas; parquoi vostre auctorité ne leur pora
GEORGE CHASTELLAIN
plus nuire. Et par alnsi, comme vostre estat, ce dient, n'est que accidentel, et que l'estat du fils de leur prince consmnoissent cstre venu par nature, né prince et seigneur, que eulx doivent avoir amour et affection à 1y, non à aultre, certes, contempnant vous et despectant votre auctorité, se adhèrent et ajoingnent à cely où nature leur enscigne. Et voians et considérans vous quérir vos forüfications contre ly, et vous porter fier et animé encontre sa haultesse, se rient de vous et se gabent de vostre fortune; vous mettent et remettent en mile ploys ; et ramenans à compte tout ce qui se peult dire de vous , taillent et prophétisent vos fins en éversion confuse, disans : que Dieu ne le souffrera à Ja longue, non fera fortune , que le péchié de vostre orgueil, le péchié de vostre ingratitude et descongnoissance ne doivent estre punis, et que ne sentiez la main de Dicu qui vous toucera pour vos offenses. Donc, et se oncques le peuple a pris cause et tiltre en vous de vous hayr , de murmurer cortre vous et contre les vostres, aujcurd'hui cent fois plus encore y prennent pié; et à cause du bastard de Reubenpré, vous préjugent et percondamnent malvais homme. Non pas, et Dicu ne veulle que ce je le die de moi ; mès pour vous avertir de si faits languages et charges , je le vous conte en commune bouce.
La coulpe que vous y poez avoir, Dieu la scet et congnoit. Se faites vous. Monseigneur de Charolois aussi, que a examiné le bastard, en scet sa part par sa propre confession. Et comme le cas tient du vraisemblable, et que le sire de Reubempré est vostre nepveu , conduiseur de ceci, et que vous et toute vostre ligne portez haine et machination contre le comte , avez peur que ne soyez deffais par ly, et à ceste cause vous vous estes ajoints aveucques le roy son ennemi, pour avoir port, le dire du monde est tel, posé encore que je puis espérer qu'il ne soit riens , que tout cestui emprendre meut de vous ; et que vous faignant l'ignorer et non y attoucier , par secret entendement que vous avez aveucques le roy, ensemble avencques vostre nepveu, en lessiez et souffrez le crime sur leur dos, par espoir que avez que jamès ne sera attaint, et que le roy, qui est grand seigneur, vous en
saura bien laver et parer sans vostre dangier. Appert qu'aujourd'hui, il en a envoyé son ambassade en ceste ville, prince, ct prélats, à ceste cause. Et dient les gens , que de la peur que avez d'estre congneu , et pris en si énorme faute comme d'avoir tendu et fait Lendre en la personne du comte, par prise ou par mort , vous meismes avez forgié ceste ambassade ; procuré son avenue et son accès; nommé les personnes et fait les articles par de chà , tous propres à ceste matère ; et esperant plus tost pooir tirer dehors ledit bastard par une fière et hautaine manière, comme se meismes fussions mespreneurs envers le roy de lui tenir en prison son serviteur, devez avoir conscillé ceste manière de manasse sur nous, cuidant bonne fin en traire; car vostre regard estoit, ce argüent les gens, que pour ung homme pris, à quelque tiltre ce feust, monseigneur ne voudroit jamès desplaire au roy,et ne se voudroit accorder à guerre pour si peu de cause; mès ly, comme prince et maistre de ses pays, et commandeur ct précepteur sur son fils, en tout et sur tout , à la requeste du roy, et pour‘bien faire, ct pour éviter tout péril etesclandre, le bastard scroit mis hors et à délivre ; et à quelque crime ne malvaise intention qu'il eust eu, ne par qui donnée ne commise, sans en estre plusnovelle, s'en iroit sain et sauf; et ly il garderoit et gaingneroit sa vie sans rien dire du secret ; et vous et les vostres, et tous ceulx qui y peuvent avoir coulpe, demorriez par ainsi nets et justes en malvaise œuvre.
» Tels ct si faicts sont les languares par ciens, par ceste ville et par toutes autres, là où on ne vous espargne; ains vous y decoppeon par pièces et morscaux, et vous torne-on ct retornc-on toutes les entrailles pour enfonsement de vostre rachine. Dient les uns : « Que veult faire cestut Croy ? Que pense-il, ne que propuse-il, en son hault orgueil, que de soi former public contrarieur au fils de son maistre; ct après lui ‘avoir fait toutes rudesses moult dures , le mis et tenu en indignacion de son père, pareillement en celle du roy, privé et forclos de sa pension, clà et là mis en abay le comte de Sainct-Pol, deschassié ses gens d’en arrière ly, finablement , pour le tout pardeffaire et
CHRONIQUE DES DUCS DE BOURGOGNE.—III° PART
pardestruire, contend et a contendu en son corps, en sa vie et en sa personne; et veuillant faindre l'ignorance du cas se voult désarmer du crime par personnages , en quoi le roy, par son forgier et consentement, et ly par le roy , se sont noircis tous deux par estrange fiction? O maudite soit la norriture de tels gens, ce dient! Le roy rend bien au devoir les bienfaits de deçà, et Croy recongnoit bien le bénéfice qu'il a reccu en ceste maison, l'exaltation de sa lisnie par son bon maistre , et la gloire et la richesse qu'il a de ly, dont pareille n'eut oncques en France par nulle mémoire! Que veut il faire ne à quoi bée:il ? Cuide-il devenir prince du pays, et se faire égal aveucques l'ériticr. Encore, quand père et fils, que Dieu sauve tous deux! seroient faillis, si n'y parvenroit-il pas ; il n'est ne de l'estat royal ne de princial ventre ; il est ung simple chevalier , riens en
- Comparison à ly ne aulx aultres princes; et
l'avons veu croistre ct monter au thronne.
prendre la fille de Robais, sourgon de son bien; et maintenant marié à l'une fille de Lorraine, plein d'acquests et de biens par service , allié en Allemagne, à Bauvri et à Meurs, et tenant en sa main, comme propriétaire , Luxembourg et Namur , Boulongne et aultres places, dont le roy se vante, ct ly en menasce l'éritier ! Cuide il pour tant parattaindre à la dominacion de ces pays, ne à la faveur, ne à l'affection du peuple, qui mesmes est congneu inique et pervers et plein de malvaises cautelles, ly eu les siens, et
jJusques en tous pays où il règne en oir
plaintes et clameurs, et estre pius cremus en partie et plus dangereux à avoir à faire aveucques eulx que le prince? O énorme aveuglement et intolérable orgucil! O comment peut noble homme si bas descendre, que d'autant se meffaire comme de penser à chose indue; de bécr et contendre à chose à ly non appartenant; de porter
pointe et inimitié à cely dont il est fait,
dont il a pris gloire et exaltation, et dont il est tout eurceux et honoré quand il en porte service ! Comment, déa! mescongnoitil sa venue ? Ne congnoit-il son estre et son estat, ct que le chief d'une maison de Croy n'est point de sorte au fils d’un duc de
Bourgoingne? De qui se penseroit-il, |y, ung tel homme, se fortifier ne aidier encontre ung tel prince ? Possible est bien de l'emprendre et de follier, mès la fin en ystra confuse pour ly. Il se fie sur le roy, ce diston, et toute sa machination est assise sur ly. Et que tant il l'a assise là, c'est ce qui le condampne , qui lui donne klasme et reproce perpétuel, et qui le faict congnoistre en ses vieux jours , estre aultre qu'on ne l'a maintenu en ses jeusnes. De male-heure, dira-il encore peut estre, il vit oncques le roy. Le roy, pour preud'omme demorer , ne lui estoit point sorte; ne pour grandir sa maison ne ses enfans, service royal ne lui estoit point salutaire; grandesse il avoit assez en Îy, sans le roy ; ne ly failloit que mesure et contentement de ce que superflue avoit d'ailleurs, Il estoit l'aigle des pays de chà, prince de la chevalerie de la maison du duc, clavier de son throne, le fondement de son secret; ct réservé tant seulement le tiltre de principalité et de scigneur , quasi estoit une mesme chose aveucques son maistre, honoré et cremu,
préféré devant tous et servi par égal aveuc-
ques son maistre en viandes. Tout ce qui à ly estoit et appartenoit estoit promeu: sa lignie eslevée ct pourveue d'estat et d'offices ; et obtenoit tout, et nul autre riens. Que Îy falloit doncq? si non que ivresse d'aise l'a mené-à descongnoissance , et lui a fait convoitier et quérir oultre mesure , dont l'obtenement, espoir, cy après lui donra blasme.
Siet-il à ung vicl homme querir ung nouveau muistre , lequel, vivant le sien, viel l’acslevé jeusne ; le novel ne l'a accepté qu à cautelle ; et le quéreur, ce sambleroit, parcillement n'y est allé qu'à malice. Et ainsi le malvais et le soutil se sont entretrouvés ; et suivant chacun leur appétit non loable, ont mis honpeur darrière le d.s tous deux. Que fera le roy? Quelle paie en prendront-ils en la fin ? Il les paiera du mesmes à leur mérir; et tel comme il les ara trouvés à l'entrée, delaissans leur maistre, il en fera le renvoi tout confus, quand il en ara ce qu’il en veult ‘traire. Le roy est trop fin pour eulx, et culx peu sages d'y prendre fondement. Le roy, ils savent bien, s'est mesporté envers leur maistre. Il a oublié ses bénéfices receus ;
GEORGE CHASTELLAIN
journellement il lui rend mal pour bien; ne le cognoit se non par envie qu'il a de sa bautesse. Que doncques fera-il de cestes gens qui ne le servent qu'en mal faire ? Ne doiventils doubter qu'en malefice il les paiera du mesmes pour quoi il les ara choisis, et qu'il ne les deboute soubs le mesme tiltre de leur desserte ? Qui est cil, ne Dieu ne homme, qui en feist aultrement, ne qui en feist aultre conclusion ? Et si le roy est si injuste maintenant et si mal conseillié qu'envers monseigneur il se porte mal pour ly avoir fait bien, cuident-ils qu'il doive devenir re+ congnoissant envers ceulx qui sont cause de son mesfect ? Par Dieu ! la chose en pora durer un temps, mès il y aura fin orde.
Tous-jours eschiet remors en ung cœur de roy; et combien qu'il y peult escheoir fourvoi, enfin toutesfois il retourne à sa nature. Cuer de roy est un précieux coffre ; et quand, tant seulement une fois, il voudra penser à sa dignité, n'est vice dont mesmes ne se repente et qu'il n'en hée ne abhomine les conseillers. On dit vulgairement que les princes, pour venir à leurs fins , prennent bien
|en gré les traysons, mès de la malvaiseté du
nom et de leur maulvaise nature, ils en héent les facteurs. Quand doncques ces Croys ici aront et ont de faict, en complaisant au roy, faict perdre à monseisneur les terres- sur Somme , et en grand fraude et desléauté osté à leur maistre ce pourquoi ils devoient voloir morir ainchois; et après, quand ils aroient faict tuer ou prendre son fils, tout mis en désolacicn et en ruine ce qui par dechà est, ne pense-on qu'enfin le roy retornant à congnoissance de ses péciés et au reproche qu'il aroit acquis par ceste voie, qu'il ne deust maudire et contempner grièvement ceulx par qui ce aroit faict, et par quiil seroit en la malediction de Dieu et d'omme, par les avoir creus. Les périls, par Dieu! n'en sont pas dehors de leur part; et n'est chose qui ne puisse bien avenir. Tous jours se lavera bien prince à prince; mès ung compagnon souillié pour eulx demorra en l'ordure. Par quoy ung vrai noble homme, qui autant doit amer son honneur comme ung roy , pour tous les roys de la terre , ne pour coronne porter ly mesmes, ne se doit soullier en scient; doit
11466] CHRONIQUE DES DUCS DE BOURGOGNE.—1III PART
‘mieulx amer qu'il ne feust prince à ‘monde, ne homme à qui on deust complaire , que soy mesfaire envers soy-mesmes. Mès avarice est mère de tous vices et de toutes énormités. Quiconques s'y applique maine l'omme droit cy; le fait haut béer; et par haut contendre et convoitier, le fait desmesurer et perdre sens, consentir trahyson, conspiration et murdre; riens ne lui est grand -ne pesant, comme énorme qu'il soit, mès qu'il ait son desir. Et pour ceste cause, Aristote escolant Alexandre le grand roy, pour le faire cler en vertus, sur tous vices lui blasme cestuy , veuillant dire que toutes vertus par icellui seul s'estragnent en l'homme , et par seul cely il se noircit et deffaict en renommée. Laissez faire, laissez les Croys. Par Dieu ne sont pas encore à fin de leur barre; ils coreront encore ung temps; mès s'ils estoient aussi haulx que la lune, peut être qu'ils ne gsaroient veoir encore la fin du maleur qui les attend. Présentement ne le veuillent congnoistre et ne peuvent; car aveuglés sont ; et eulx confians en fortune, leur samble que riens ne les peut grever. Si en ont-ils de beaux exemples , touttefois, et de plus grands de eulx. Ils baculèrent jadis le chancellier ; et eulx, plus mespreneurs que 1ÿ, n'ont nul qui les baculle. Mès souffrez; ils baculeront eulx-mesmes; ils deslicront leur malheur du pel, et ne se donront garde quand ils l'aront pendu au col. Ils ressambleront les vers qui mengent l'ung l'aultre ; et le derrain mengue soi-mesmes ; ainsi feront ceulx.
Leurs péchiés, leur orgueil, leur descongnoissance et ingratitude de eux prendre à leur maistre, de tendre en sou honneur et en son Corps , les mencront au tiltre où ils doivent venir, tout ainsi que Lucifer. Dont c'est dommage toutefois et pité, quand si nobles et gentils chevalicrs comme ils sont et ont esté, si bien norris et loés jusques ici, et si montés en haute roc , se sont si grièvement mesfais. Mès s'en pregnent au propre nez; le mescüief vient de eulx. »
