CHAPITRE Lx

Comment le seigneur de Croy respondit au seigneur de La Roche sur l'avertissement qu’il lui fit.

Atant fina son compte le seigneur de La Roche; et me dist que comme il avoit esté, et estoit sur la fin de son deviser aveucques le seigneur de Croy, en la manière que avez oy, vint ung devers ly, de par le duc son maistre, qui le hasta d'aller devers ly; et tellement qu'à peine pooit-il avoir temps pour faire response petite ne aultre sur les devises à ly faites. En fist touttevoies une bien courte et briève, ce me dist ce chevalier, et sonna ainsi :

« Monseigneur de La Roche, je vous ay bienoy; et croy bien que pour tout bien vous m'avertissez de tout ce que me dites, et vous en remercie; mès pour parolles de gens je

‘ne m'esbays point, et ne suis pas si chetif comme on me faict. Par l'ame de mon père!

je ne me soffrirai point fouller à bras ploiés et'à genoulx en terre. Monseigneur de Charolois me het et tout mon lignage, et nous desfera trestous, ce dit. Je y mettray remède, si je puis, et desjà y ai pourveu. Et quand il voudra cela emprendre, et que je serai trop foible pour ly, je trouverai garant peut estre, en tel lieu , là où la force ne sera pas sienne.

» Touchant le fait du bastard de Reubempré : qui l'a brassé, si le boive. Moi, je ne m'es melle; bien en conviengne au roy, c'est Sn fait, c'est son serviteur. Et du haut et du

CHRONIQUE DES DUCS DE BOURGOGNE.—III PART

bas, je m'en rapporte à ly. J'ai bien servi mon maistre , et suis bien pour servir son fils; mès quand il ne veult, je ne le servirai point maugré ly ; je m'en suis assez mis en mon devoir, mès je n'y gaisne riens. Si me tiens à ce que j'ay fait et du mieulx que je puis ; et, Dieu merci! j’ay bon maistre, et qui me sçara bien deffendre allencontre de mes mesveillans à tort. »

Sur ceste response, ledit chevallier et mo:

fismes nos devises. Et nous sembloit bien que ensieuvant la renommée qui couroit de ly, que la responce aussy tenoit assez de mesmes, et que descongnoissance s'y melloit beaucop parmy, et dont le péchié et l'orgueil demanderoit punicion tost ou tard. Et à tant vuidasmes de ce compte. Et estoit meshui tard et grand heure d'aller couchier. Si prins congié lors, et le lessay en son requoi; et moi autre-tel allai prendre le mien.