CHAPITRE LXf

Comment le comte souffrist couvertement ‘parler an seigneur de Croy, par assay s’on le poroit ramener à vraie congnoissance.

Pendant ce temps, et que père et fils estoient encorre à Lille, tous empeichiés en la matère de ceste ambassade du roy et de leur commission, et que, à cause de ce, le fait du sire de Croy s'empiroit fort en toutes bouces, comme avez oy, et soverainement au corage du comte qui, par sa cause, se sentoit injurié ainsy du roy et de ses gens, nientmoins souffroit encore ledit comte, couvertement et dessoubs le doy, parler et traitier par moyennes personnes entre le seigneur de Croy et ly, par assai se on le poroit réduire et ramener à vraie congnoissance et à saine honnorable voie , par laquelle ñ se remist en grace par deversly, comme il devroit ; car, com injurié qu'il se sçavoit, et grevé par ly en maintes et diverses manières, si estoitil toutevoies content encore de soy humilier et reculer d'autant, pour plus loing sailhr; et aflin de éviter plus grand meschief, et pour, par cely moyen, demorer en union et en concorde aveucques son père, et en seurté de non perdre riens de la succession qui lui

estoit à avenir ; car cela estoit tout le pesant de sa peur et le dur de son ennui, parce que Croy se vantoit de maintenir Luxembourg, Namur et Boulonyne, son vivant et le vivant de ses enfans ; et quand au fort ;venroit, et que le comte lui voudroit corrir sus, il les mettroit en la main du roy, ce avoit dit, pour

. Jui en faire guerre. Si se cuisoit et murdris-

soit en la mérancolie de ceci ledit comte, et non sans cause; et touttevoies, nonobstant tout et beaucop d’autres grands cas, si se souffroit-il manier encore par conseil; et permist procurer leur retour et leur recong noissance envers ly; et leur promist et fist promettre paix, amour et grace, et tant et si avant qu'oncques prince tant n'en offrit ne ne fist présenter à son subject ; que touttefois 1l refusa; et, ingrat et descongneu, monstra en ce, que prochain estoit de son éversion, et que punicion de Dieu le devoit férir temprement au front , dont il cherroit en ruine.