CHAPITRE LXIV

Du hault estat de ce Croy et que de ly n’avoit point de pareil en France tant accollé de fortune.

Se je voloie ou sçavoie dire l’auctorité, le desré et le hault estat de ce Croy, et des siens en dépendant de |y, ce seroit à peine those créable de loir conter et d'en fæire histoire. Et n'a point esté veu en ce royaulme homme pareil à 1y ne si accollé, depuis deux cens ans, qu'on le sçaiche , ne qu'il se treuve en livre. C'estoit en samblant, non ung vassal, non ung serviteur , ne ung subject en la maison de son maistre, mès ung prince meismes et ung seigneur à qui tous genoulx ploioient par révérence, et toutes faces se par-offroient à service. N’avoit différence nulle de ly aux princes ses nepveux, si non que l'estat de ly et le service de sa table, sa sieute et sa queue estoient trop plus grans que la leur. N'y avoit homme en la terre plus honnoré en court, mieux servi ne si à souhait, plus exalté, ne plus mieux creu. Et aveucques ce qu'il estoit plein de biens de ce monde et allié au sang de Lorraine et de Harcourt, plein de haultes et de grandes possessions, si ne vivoit-il homme qui oncques fist de son maistre ne tellement ne si à chois comme ly; car riens ne luy estoit impossible, ne dur, ne dificile envers ly, là où il voloit s'entre-

sm

mettre. Parquoi, tout considéré, et sa première venue en court, et sa première che- vance de patrimoine , et la haulte montance depuis où il se trouva soubs l'ombre de son maistre , devoit bien amodier, ce me samble, son corrage, mettre raison devant ses yeulx, soi tenir en règle et en mesure, et avoir peur de maints grands et orribles exemples de devant ly et de son temps mesmes; et sey monstrant content de sa fortune, qui encore estoit excessive , non quérir aultre part plus de biens pour porter grief à son trop plus grand , contraire de son honneur.