CHAPITRE LXIIL

Comment le seigneur de Lannoy tendoit aussi à mener sa maison à hault et à seur estat aveucques son oncle.

Le seigneur de Lannoy, nepveu de Groy, à Lille et partout ailleurs où il se trouvoit, estoit le tout et le seul bras quasi à son oncle; et en sens, et en conclusion et en conduite, c'estoit son tout refuge et son tout secret, aveuques le seigneur de Cymay , son frère, quand il s'y trouvoit. Si donnoit-on grace à cestui de Lannoy , que soubtil homme excellentement estoit et caut, et qu'en orgueil de son oncle , et°en son mescongnoistre , avoit grandement coulpe ; car ly, devenu rice oultre mesure, en Hollande, dont avoit eu le gouvernement, et ayant fondé et fait une bonne ville close d'ung povre villageot, et ung chasteau d'infini avoir d'une povre tourelle,

\ CHRONIQUE DES DUCS DE BOURGOGNE —IlIl: PART.

tendoit et béoit aussi à mener sa maison et sa fame à estat que fortune ne donnoit point; est à entendre à tranquillité et à estable seurté aveucques ses oncles ; lesquels ne pooit penser jamès pooient tourner à décadence, ne ly aussi. Et par ainsi, et comme il voyoit et concevoit que le comte de Charolois tendoit et manassoit de les desfaire et mettre au bas, boutoit quant qu'il pooit aussi à l'orgueil de son oncle; et par touttes voies et manières dont le pensoit à pooir fortifier et rasseurer , fust en France ‘ou en Angleterre ; il lui donna conseil; et meismes en l’ung royaulme et en l'aultre , sous lésations prises du duc, et que sen oncle lui mist en mains, se trouva procureur, cedisoit-on, d'estranges choses ; et lesquelles furent descouvertes depuis et sceues, comme il se dira en son lieu.