Ï11: PART

vraie entrée par où il parvenroit à sa grace, et à laquelle il ne poroit faillir s’il se voloit souffrir conduire.

Croy prestant ascout à ces mots et pesant fort ceste ouverture, respondist et dise : « Et quand , en faveur et contemplation de monseigneur de Charollois, et vous, messeisneurs, aroie renoncié au roy et à son service, abbandonné tous les biens et estats que j'ay de Lly, et maintenant mon maistre le duc qui est viel et quassé, demain ou tost après, iroit de vie à trespas, à qui seroie-je lors, ne que me donroit-on? qui seroit mon maistre ne mon bienfaiteur ? ne serois-je entre deux selles cul à terre? et qui suis manassié maintenant et mal volu, atout deux maistres que j'ai puissans et grans, ne seroie-je mis en la pile au verjus lors, quand je n'aroie muistre ne service. Pour Dicu , messeigneurs, ilme semble que le cas, tel que me requerrez, est bien de peser à moy, et non de légière acceptacion pour promettre de le faire. Quant à moy, je ne pense pas demorer sans maistre, quand Dicu fera son plesir du mien en présent. Et si sçay bien ce que j'ai maintenant, mès je ne sçay quel chose je trouveroie quand ce xenroit à lors. »