CHAPITRE LXVII

Comment le comte de Charolois offrit au seigneur de Croy que ly mesmes mettist par escrit son traitié.

Ceste response fut répliquiée ; et respondit le seigneur, et dist ainsy : « Monseigneur de Croy, ce mesmes argument que vous faites iCY , nous pensans que vous le poriez faire, tel l'avons fait devant monseigneur de Charollois , afin de y sçavoir respondre dessus par son avis et aveu. Et nous a dit monsei- ‘eur, touchant ce point, si vous le mettiez avant, et pour vous contenter et soudre, que se vous volez renoncier au service du roy, à ses estats et à sa pension, et qu'encore monseigneur son père, que Dieu garde! allast de vie à trespas, si vous promet-il, et veut promettre, et léiument tenir aussi en parolle de prince, que tont en tel estat et auclorité comme vous estes au jour présent à

‘eutour de monseigneur son père, tout tel vous tiendra, souffrira et léaument parmainuendra tout vostre vivant. Et se d'aventure le roy à ceste cause vous voloit aulcun mal et tendist à vous en faire grief, 1y envers tout le monde, quiconques y soit, réservé monseigneur son père, il vous portera et soustenra de toute sa puissance et vertu. En affin que puissiez tant mieux adjouster foy à cecy que nous vous disons, monseigneur de Charolois se consent et vous accorde que vousmesmes mettiez par escrit vostre traitié, en la meilleure forme et manière que le sarez ou voudrez mettre , et à vostre p'us bel, et il le vous scellera et signera de sa main. Or regardez quelle chose vous volez respondre sur cecy, et pesez bien l'offre que monseigneur de Charolois vous fait, qui est grand et bel pour vous ; et vous mal conseillié , se vous ne l’acceptez, ce nous samble; car il n’en poroit plus dire ne faire. »