CHAPITRE LXXIX

S'ensieuit Ja solution de la qnestion dessus proposée,

Une seule toutes-fois response souffit pour tous les points argués et pour tous les temps et les divers lieux là où se sont faites les plaintes. Si faut entendre que le duc avoit deux ou trois souveraines causes en ly, par lesquelles , touchant les plaintes faites à l'encontre de Croy, assez dur et bien envis, il ajoutoit foi à son fils touchant ceste matère : la première, si estoit que tout et entièrement il le sçavoit affecté à sa mère, laquelle avoit mal en grasce cely de Croy et les siens, et de long-temps; dont maintenant n’est besoing d'en escrire les causes qui ailleurs sont dites. Secondement, il maintenoit comme vrai que son fils les héoit de longtemps, aussi pour cause de l’auctorité qu'ils avoient autour de ly, et souverainement depuis l’estrif du plat à Brusselles, entre les seigneurs de Quievrain et de Hemeries , et de quoi oncques depuis ne pooit amer ni bien voloir nul de eux. Tiercement , il sçavoit et véoit que le seigneur de Hemeries et plusieurs autres estoient à l’entour de son fils, qui point n’amoient aussi ledict de Eroy; et arguoit et créoit par ce, que iceulx pooient informer son fils senestrement , et plus par volonté .que par raison. Et considérant aveucques ce la jeunesse de son fils, et le boulon du sang, qui en ly estoit grand et chaut, maintenoit plus ses doléances et plaintes estre opinions ahurtées que conclusions véritables. Et par ainsi, comme père expert et appris, et venu à grand éage soubs auctorité paternelle et légitime cause , veullant avoir sa main sur son fils en faire et en taire , différa longuement et tint en suspense cestes plaintes , et les maintint à frivoles, non doubtant que jamès en peust sortir riens d’effect ni de fin malvaise.

Comme doncques ces argumens et vrais tiltres se norrissoient en l'entendement du duc , et que le duc y mettoit , et detout temps y avoit mis sus fondement certain, n’est de merveilles si 1y, jà tout vieillard, prince grave et le plus long naturellement en tous ses faits

muer son vieil ancien ploy, pris d'enfance, et le tourner et muer en empirance de ses meilleurs, à l'appétit d'une chaude teste de son fils, là où ire quéroit vengence.

Certes, comme juste que la cause du fils pooit estre , considérées les anciennes meurs du viellard et les grandes constances de ly en tout cas ailleurs monstrées, si se feust-il fait blame à ly, et honte, d’avoir usé de légierté en ceste matère obscure et dont il avoit mesmes les occasions en Îy pour y contredire. Or est vrai que, tout en ce point et en pareil comme le duc avoit cestes imaginacions en ly, et par lesquelles il sambleroit voloir parer le seigneur de Croy, et mettre le tort devers son fils, le duc, par la longne norriture de quarante ans qu'il avoit tenu le seigneur de’ Croy en l’estat de premier chambellan, comme ung chevalier preud'omme et léai, tant s’estoit fondé et arresté à 1y, et tant l'avoit pris en grasce et en dilection familière, que impossible lui estoit de croire aulcuns malvais rapports fais contre 1y, et souverænement qui touchassent à l'honneur ou à sa preud'ommie ; car oncques, ce disoit , ne s'estoit perceu que de léauté en 1y ne en son frère , et ne pooit imaginer que aultre chose jamès y peust cstre trouvée. Mesmes, et qui plus estoit , il en horandoit et es levoit le grand service à lui fait par eulx, et comme par leurs grands sens et valeur sa propre gloire et haulte fortune en temps passé eussent esté espannies et flories, laquelle chose estoit le parfait contraire de ce que le fils voloit mettre avant.

Et par ainsi, le père jugeant et attendant seloncq ce dont il avoit congnoissance de quarante ans passés, sans y sçavoir ne avoir veu faute, à envis et à dur abbandonna la créance qu'il avoit assise en tels gens, si longuement esprouvés, pour prester oreilles à condicion de court, murmurant par coustume sur les haulx assis en siege. Si faut entendre que tant s’estoit ahurté le duc en l'amour et fiableté de cestes gens par la longuesse du temps qu'il les avoit norrys, que quelconque plainte qu'il s’en peust faire, ne produire, ne estre pro.

posée, et feust à monstrer au doy, si ne pooit-il maintenir faulte en eux, ne croire

qu’elle y entrast oncques, pour ce que |ymesmes ne s'en estoit oncques perceu de pulle. Pourquoi, quand ce vient à conclure ici et à soudre la question demandée, l'on peut clèrement entendre : que ce que le duc a si longuement différé à ajouter foi à son fils, et a esté si tardif et si lent envers |y, et de tant de divers lieux et de diverses fois fait petite conclusion , ce sambleroit , de ses plaintes et remonstrances, ce n’a esté de riens en retorquant l'équité ne juste cause de son fils, ne en le dementant , ne reboutant comme menteur ; mès ce a esté par seule vertu et par estable noble condicion de hault prince, qui n’a oncques peu croire avoir faute en ceulx sur qui il avoit assis radical amour, et ne les avoit oncques rattaint en malvaise œuvre. Dont, comme ly se fivit pareillement de leur amour , et ne mettoit nulle doubte en eulx, se devoit et pooit bien fier de son fils pareillement et de tout ce qui pooit touchier à sa personne. Et par ainsi, pour fin de solucion , tous les argumens faits sont assez clèrement vuidiés , et n’est nulle ignorance à imputer au duc ne aulcune folle dissimulacion. Ne sont aussi les justes causes et actions du comte en rien diminuées ne frustrées par ceste tardivité, ne les Croys parés ne excusés par la portance de leur maistre ; mès seule vertueuse, noble nature de hault prince, constant, léal et entier, et sans scrupule en soi contre ceulx lesquels par longue norriture cuidoit congnoistre a eu le regard et le gouvernement sur ce débat ; et cuidant bien faire envers ceulx lesquels il maintenoit à bons, cuidoit à Son fils rompre sa vindicative jeusnesse par non légièrement lui complaire.

Et avoit autant de fiance en elux, comme léaulx vieux serviteurs biens congneus, comme il avoit d'amour en son fils par enseignement de nature Si en aperra encore plus avant cy-après et en lieu et temps, là où le tout

sera mis contre le tout et jusques à l’extresme.

du dangier , là où tout sera congneu, le tort et le droit, et la bonne cause et la malvaise.

GEORGE CHASTELLAIN