CHAPITRE LXX x

Comment le comte de Sainct-Pol estant vefve, s’ena moura de mademoiselle Jehenne de Bourbon.

Or avez oy comment le-comte de Sainct- Pol, parcy-devant et jusques à ceste heure avoit esté et estoit tout entièrement adonné à son maistre le comte de Charolois. Et aveucques ce qu’en dangier et reboutement du duc il avoit quis la ruine de ceulx de Croy, si avoit-il hautement servi ledict voyage de France , vaillant et traveillant chevalier, plein de hault los; et puis les deux voyages en Liège, qui ne sont pas de maïindre estime, et la où il estoit l'ung des chiefs principaux. Si doibt sambler que là où avoit esté norrie ou obtenue telle privauté et amour entre les deux , et receu si hiault et si grand service aveucques obligations précédentes de longtemps, que jamès aussi le lien de leur amisté après ne se devoit lascier ne affoiblir, ne ne devoit relainquir l'ung l'autre. Et en apparence de ce, ledict de Sainct-Pol , jà-soit ce que par le moien et pooir dudict de Charollois son maistre, il feust créé et constitué connestable de France devant Paris, et que le roy, par maintes et diverses fois, nientmoins l'eust mandé depuis par ses lettres à venir devers ly, comme souverain officier de son royaulme , touttes-fois, soi appuyant tout sur le comte son muistre et en faveur de ly, différa bien an et dem son aller devers le roy, pour sa connestablie. Et sambloit que le service et l'amour de par de chà lui estoit assez de fruit et plus convenable que l’aultre , voire par aulcuns regars qu'il avoit et à quoi il béoit. Si convient sçavair que le comte de Charolois avoit en sa maison madamoiselle Jehenne de Bourbon, seur à feu noble et vertueuse dame madame de Charolois morte, très belle damoiselle et de merveilleux bruit De ceste damoiselle , seur audict comte, s'enamoura le comte de Sainct-Pol, qui estoit vefve; et pour le plus hault bien de ce monde ne désiroit riens fors de venir en sa grâce; et finablement, pour tous services faits et à faire, de la pooir avoir en mariage. Si en fist tous ses assais et tous ses

et S'Y monstra ung peu lent, non pas qu'il ne lui voulsist bien autant de bien et d'honneur, mès pour l'avancement de son éage , qui estoit jà de cinquante ans , et que aussi la fille n°y «voit point forment le cuer, ce disoit-on , ains et qui plus est l'avoit tourné aulcunement mesmes envers son fils aisné , le comte de Marle. qui estoit mieux sorte, à la veue du monde, que du pére; car estoit rice et grand héritier et jeusne seigneur, et l’aultre plein d’enfans et de grans jours, qui sont choses qui sont à regarder. Une chose en [y avoit touttesfois qui estoit singulière, et en quoi il passoit tous ses enfans mesmes, et le plus paré des princes de ce royaulme : la personne de ly, en samblant , en fachon, en netteté et en toutes Cointises d'abillement et d’entre-pens, valoit et se monstroit mieulx que nul aultre ; se faisoit regarder et prisier d'hommes et de femmes , et n'avoit nulle part son pareil; estoit grand seignéur et hault noble homme ; estoit vaillant et de grand conseil, et digne assez, pour personne et vertu, pour porter Coronne et sceptre. Més ce n'estoit point regardé peust estre ne considéré au cuer de la jeusne fille, qui béoit ailleurs; et laquelle, comme on disoit, avoit des bouteurs en l'oreille qui le grevoient, et qui n'eussent point volu veoir qu'il eust eu tant de bien; et en donnoit-on charge au bastard de Bourgoigne, car y avoit pointes et honpis couvertement entre culx deux, pour cause du gouvernement et de la haute créance que cely de Saïnct-Pol avoit aveucques le comte . et de qui il estoit frère bastard; car lui sembloit qu'il estoit homme pour l'avoir ly-meismes, et le pooit et devoit avoir devant 1y.