CHAPITRE LXXX11I

Comment le roy Loys tousjours se quéroit à venger de la playe faite à ly devant Paris et le mont Héry.

Or faut-il bien entendre que le roy Loys, roy de France, depuis le voyage que le comte de Charoloïs avoit fait en son royaulme à main armée, et tele comme a esté conté cy en sus (1), et de quoi ce comte de Sainct-Pol en partie aveucques les aultres princes du sang avoit esté cause, ung des principaux capitaines et meneurs de l'armée dudit comte, jamès ne fut heure après que la plaie de sa ruine à Mont-le-Héry, et du grand esforcement devant sa ville de Paris, ne lui cuisy,et qu'il ne héist à mort ledit comte de Charolois, quelque samblant ne entretenement qu'il lui feist de parolles. Si ne désiroit qu'à soien vengier, mès qu'il peust trouver la vaie ne le moyen par où; et en aultre chose ne mettoit son estude. Et comme doncques encore , au retour de France, ce comte de Charolois icy, en clère et glorieuse fortune obtenue, estoit descendu efforcéement en Liége, le plus puis-

rtie manque,

GEORGE CHASTELLAIN

sant et le plus à main fière que jamès prince s'y trouva, et là où de reschief en espoventable armée comprimoit les Liégeois, les mena à servitude et à cremeur, à treu envers ly et à obedience , et qui plus estoit , à deport et à renoncement de leurs vieux et anciens priviléges et usages, ce que jamès n'avoit esté ne oy ne veu , ceste seconde haultè fortune, aveucques la première, et qui toutes deux touchoient au roy, lui estoit matère se

conde aussy de lui augmenter etrenoveller sa plaie. Car comme par l'efforcéement premier à Mont-le-Hery, se sentoit laidangié durement et ravallé en sa personne par fortune d'armes, en cestui second efforcéement en Liége, dont il estoit protecteur, se sentoit grevé encore en toute l'intégrité de sa coronne. Car ayant pris Liége, le pays et Lié— geois en sa garde et protection, comme avoit jadis le roy Charles son père, envers tous et contre tous, et donné chartreset scellés à eulx de sa garde perpétuellement durables , et ly receu de eulx en pareil leur scellé de perpétuellement le servir et adhérer envers tous et contre tous, ce comte de Charolois, en la querelle du duc son père, les constraigny et mena à ce destroit, que de révoquier et de renoncer à toutes alliances et amistés et conservacions prises et requises aveucques le roy de France, quelconques ne comme faites elles puissent estre ne avoir esté, ne en quelconque forme ne manière qu'elles pussent avoir esté practiquées, promises ne jurées ; toutes les revoquoient et les mettoient à nient ; renonçÇoient à ly et à son aide, et à sa faveur; rendoient et rebailloient leurs lettres et chartres queavoient receues de ly; et promettoient et affermoient de recouvrer au roy leurs lettres et chartres qu'ils lui avoient bailliéés, ou suffisamment en satisfaire au comte en ce lieu par acte novelle. Gertes que estoit la chose du monde, ce sambleroit, cop après aultre, .qui plus devoit et pooit cuire à ung roy de France, encore de son subject, de qui pooir et hault effort il estoit constraint de porter l’une fortune ct l’aultre. Et voirement estoit-ce unechose bien merveilleuse et grande, et non oye oncques samblable ailleurs, que de mener ung tel peuple, une telle puissance et redoubtée nation à cest extreme, et encore sans ka

Aïlle , et {ant seulemént en peur, que de reaoncer au plus puissant roy du monde et le plus neble , le roy de France , à toute amisté et entendement aveucques |y, pour se donner à ung duc de Bourgoigne et son fils, le prince du monde que plus héoient , et le prendre, encore en delessant le roy, à tuteur perpétuel, avoé et gardien, à somme de deniers de toute leur terre. N'ay veu jamès ne oy que pour bataille par avant, ne pour aultre dangier, jamès Liégeois aient esté menés à ceste loy, combien que de la rompture de ceci, et que non bien entretenoient leur promesse, plus grand fait en ensieuvy, et plus grande merveille beaucop ; car leur pays en fut désert, et gasté de fons en fons, en l'aultre saison après ; Dinant en fut demollie et exterminée ; les plus beaux forts et villes du pays rasées en leur muraille; la cité et tout le peuple du pays taillés à somme et à restitucion de deniers intolérables, et pour estre à jamès deffais. Et tort ceci convenoit que le royle veist et le souffrist, parce que ly-mesmes devant Paris avoit promis au comte de Charolois que de la querelle des Liégeois jamès ne se melleroit ; et en ce promettant les désavoua , et agréa au comte d'en faire son plaisir. Mès icy fault-il entendre, et le faut doubter ainsi, que ce fist-il constraint, comme il le dist depuis, mès non pas à la bonne foi ne de cuer. Mès le comte touttes-fois se fonda dessus, et le prist tout à son bon profit, comme l'on doit faire de parole de roy.