CHAPITRE LXXXIIL
Comment le roy s’avisa de fortraire les capitaines da Comie , et souverainement le connestable, le comte de Saint-Pol
Ces choses doncques considérées et toutes mises ensamble, et que le roy, qui resoignoit le haut vol et le haut commencement de ce comte, portoit en cuer tousjours sa cuisance, et avoit matère et occasion légitime, ce lui sambloit, de s'en vengier, toutesfois s’avisa certes et s'appensa, que jar nul moyen ne par nulle voie plus propre ne poroit venir à son prétendre pour rompre son eousin le comte, que par lui oster et fortraire
CHRONIQUE DES DUCS DE BOURGOGNE.—III: PART
ses capitaines et le chief de sa guerre, souve
rainement son connestable le comte de Sainct: Pol, de qui oncques encore n'avoit peu joyr.
Si mist son pensement à effect, et y alla par œuvre. Or avoit le roy attrait devers ly ung nommé maistre Jehan de la Driesche, natif du pays de Tenremonde, en Flandres, homme bor clerc et de subtil esprit, à merveilles actif, et de grant entremise ; lequel raaistre Jehan aultrefois par avant, tout jeusne homme, et avant que l'éage le souffrist, avoit esté constitué de la ehambre de Flandres etexalté en haulx honneurs pour son vif esperit et pour sa clergie, aveucques ce qu'il estoit personne assez élégante et bien élevée; et l’avoit le duc hau'temnent et richement marié à une noble femme en Bruges, aveucques laquelle il monta en estat eten grans pompes et fiers apparaux. Mès comme jeusnesse inexperte des faits de fortune et des variacions de ce monde, et souverainement quand elle se treuve en bruit et en gloire, est costumièrement legière et desbridée , soi confiant et présumant en sa fortune, et peu pesant et agoustant les périls qui lui sont près, à cause de l’éage non propre à honneur, cestui maistre Jehan , président et hault homme, en comblesse des biens et des honneurs qui lui efluoient , s'ennivra et desvoya diversement, ce lui fut imputé, et sur l'auctorité de son estat et sa crédence, commist plusieurs crimes et maléfices; desquels accusé et monstré notoirement par preuve, fut attrait en court devant le conseil du prince; fut par son démérite destitué de son estat ; fut tout le sien confisquié jusqu'en son derrain vaillant ; fut condampné et jugié estre digne de mort. Mès par pitié et miséricorde du duc, et par le regard du haut estat en quoi l’avoit commis, fut sa sentence commuée en ban perpétuel de tous ses pays, aveucques privacion perpétuelle de jamès pooir parvenir à nul oflice, ne à nulestat re dignité en nul de ses pays. Laquelle chose ainsi faite et jugée, ledit maistre Jehan se trouva durement confus, et le plus honteux de la terre. Or disoiton ainsi, que ceste reverse lui vint aucunement du seigneur de Croy, lequel pour celle heure estoit en pointe et en argus à l'encontre du comte de Sainct-Pol, duquel ce maistre Jehan, comme l'on disoit, portoit fort la
querelle. Donc, comme cela desplut au seigneur de Croy, aveucques ce qu'il trouva à mordre sur lui pour les grandes plaintes et malvais tiltres quil en sçavoit, lui avança sa ruine ; et de fait, feust que ce feist par vindication ou en forme de justice, ledit maistre Jehan en porta le honteux fardeau, et en fut desert. Dont de celle heure en avant, et comme homme tout povre et dépaysé, constraint se alla rendre au comte de Sainct-Pol , pour qui amour et faveur, ce disoit-il, estoit en ce pitux parti; lui prioit au moins, puisque aultre part iln'avoit habitacion nulle, qu'en sa maison il peust avoir refuge et entretennement.
À quoi le comte, qui congnoissoit l'homme et ce qu'il y avoit en y, respondit et dist : qu'il le feroit volontiers ; que très bien feust-il venu et joyeusement, et jamès tant qu'il vivroit ne lui fsudroit ; et quandil verroit son heure, cn despit de ceux qui l'avoient grevé et desgradé, il l’avanceroitet promouveroit ailleurs, et par aventure plus qu'oncques.
