CHAPITRE LXXX VIIL

Cemment l’aucteur fait ici mencion du dueil que ce duc Philippe mena pour la mort de son père le duc Jehan.

Pour venir doncques à commenchement d'hystoire de ce duc qui fut né à Rouvrelez-Dijon, nourry tant et jusqu'à la mort du père, et qui jà estoit venu jusqu'à vingt-un ans à cele heure, pour première mencion se peult faire de 1y, que à l’henre que la mort de son père lui fut annoncée par propre message, il fit le dueil si grand et si excessif, que nulle bouce ne le sçaroït compter qui ne.faulsist plutost à le dire assez qu'à trop.:Et pas-

soit, en celle manière de faire la loi de nature, toutes jeusnes grans seigneurs, qui en perdant leurs pères s’esjouissent, par affection qu'ils ont de venir à seignourie. Et là où cestui monstra tout le contraire ; car soy ruant sur ung lit à l'envers, quine lui eust coupé la lachière de son pourpoint à toute haste, il fut esté estaint et estouffé en peine et en martire, sans dire mot. Et à l’autre lez madame Michièle , sa femme, voyant son mari en tel dangier , et la cause pourquoi, chéant en paumison aussi entre ses femmes, donna tèles clameurs léans , à la main seconde, que l'on ne sçavoit de quoi on devoit faire plus grand dueil, ou de la mort piteuse du père qui estoit cause de tout ceci, ou du dangier en quoy estoient le fils et sa femme, dont l'apparence aussi n'estoit que de mort.

Et par ainsi’ tout estoit en clameur et en pleurs, et tout en ung temps ce qui estoit en la maison de ce jeusne prince, et non moins en la ville ; dont c'estoit une horreur d'emoyr le tumulte et la tristesse. A chief de pièce toutes-fois ce jeusne prince revint à ly; et fut de bonne sorte à demi assisté de baronnie, et de saiges seigneurs qui le reconfortèrent.