CHAPITRE LXXXIX

Comment le duc Philippe termina vie par mort en sa ville de Bruges le quinze de juin l'an quatorze cent soixante-sept.

En l’an doncques de l’incarnacion du fils de Dieu mil quatre cent soixante-sept , le quinzième jour de juing, jour de pleine lune, par auit, à dix heures, trespassa et fina vie , en la ville de Bruges, le duc Philippe de Bourgoigne et de Braibant, comte de Flandres, etc., en l'éage de soixante et onze ans ou environ, plein encore de bon sens et de samblant de corps, mès fort débilité depuis deux ans ou trois avant sa mort; laquelle lui vintassez subit et sans aguet de nulluy. Si fait à penser que le desconfort en fut durement grand entre ses serviteurs ; Car estoit aimé et bien volu à merveilles, et le plus qui oncques fust de ce temps. Dont, comme le dueil s'en faisoit en la maison, non moins s'en faisoit le desconfort par la ville ; mès estoit pié de oyr toutes maniè-

GEORGE CHASTELLAIN

res de gens crier et plorer et faire leurs diverses lamentacions et regrets, les ungs en loant sa vie passée, les autres sa mort si hastive, l'ung d'une manière, l’aultre d'une aultre. Chacun à l'endroit de ce comme il l’avoit congneu, en faisoit sa plainte.

Le comte de Charolois, son oncle à l'heure n'y estoit point; mès estoit à Gand en plusieurs grans affaires du pays de Flandres et

d'ailleurs. Si fut mandé tout hastivement à

venir, et y vint: mès en vain; Car la parole lui estoit faillie. Dont ly toutes-fois, comme fils de bonne nature , fist le greigneur dueil du monde, et le plus desconfortable; crioit, ploroit, tordoit ses mains, se laissa cheoir sur sa couce, et ne tenoit riegle ne mesure, et telement qu'il fist chacun s’esmerveiller de sa demesurée douleur. Et n'euston à paine jamais creu par avant qu'il en deust avoir fait le quart ou le quint du dueil qu'il en monstra; car Île cuidoit-on plus dur en corape, pour aulcunes causes passées; mês nature le vainquit et lui fist monstrer l’amertume quil en portoit; et tèlement qu'en toutes ses paroles à qui que ce fust, et par longs jours, les larmes se mettoient parmi; et souverainement en parlant à ceulx qui avoient esté serviteurs du défunt. De quoi il fut moult prisié et jugié à bon; et lui fut réputé à grande et noble amour, et à seigne de grand homme à venir et de haulte attente en vertu.