CHAPITRE XVIII

Comment La Hire et Potton de Saincte-Trailie s’emparérent de Crespy en Lannois.

A tous lez fut l'ennemityé grand des deux

parties; et veilloient soingneusement en la |

destruction l'ung de l'autre , les ungs pour avoir main deseure, les autres pour se venger. Si estoient les daulphinois bien certains assez que leur affaire désormais estoit dur à l'encontre de la puissance qui les menassoit et bien à doubtér. Parquoy eulx , pour avoir la première main garnige sur leurs adversaires de toutes les places frontières, aux marches burgondoises firent courses et saillies tous les jours, et donnèrent moult d'oppression au peuple. Si advint que ung jour, le duc encoires soy conseillant de son fait, La Hire et un nommé Potton de Saincte-Traille, Gascons et hommes de grant los cy après, firent entreprinse sur la ville de Crespy en Lannois, et de fait la prindrent d'eschielle par nuyt, un peu devant le jour, et le chasteau de Clarcy ensement. Par lesquels deux tout le pays de Lannois, de Vermandois et de là entour, qui avoit apris seureté longuement et repos, se

GEORGE CHASTÉLLAIN.

trouva durement desbareté et esbahy et en souffry des misères beaucop.