CHAPITRE XIX
Comment la ville de Roye fut prinse par les gens du dauphin.
Eulx aussi du chasteau de Muyn sur les marches d'Amiens et de Corbye, qui ne dormoient point en huiseuse, s’ellorçoient à l’autre lez de faire tous les meschiefs qu’ils povoient à leurs voisins et de fait leur frent maintes calamités. Si en vindrent plaintes et clamours tous les jours et diverses doléances au nouveau duc, qui jà toutesvoies avoit délibéré son armée, et mise sus pour résister à cestui premier orgueil de ses ennemis si approchiés de près. Parquoy mettant propos à eflect, sans se mouvoir meismes, donna charge à messire Jehan de Luxembourg de son armée , laqueile veue et monstrée emprès Péronne par ledict chief capitaine, l'amena tout à l'entencion d'aller mectre le siège devant ledict chasteau de Muyn, que soubdaine aventure toritesvoies destourna autrement et luy fist changer son emprinse.
La première nuyt de leur logis à Lihons en Santers, ung dimenche 17° de décembre, vindrent nouvelles que ung messire Karados des Chesnes , Charles de Flavy et le bastard de Tourneminc etung nommé Harbonnières, avec cincq cens combatans daulphinois partis de Compiègne à l'entreprinse sur la ville de Roye, avoient prinse ycelle par nuyt et emblée par faulte de bonne provision de guet. Lesquels, entrans une grant part par dessus les murs où ils ne trouvèrent résistance, prindrent tantost le marchié ; et cryant: « Ville gaingnée! vive le roy et le daulphin! » ouvrirent les portes aux autres de dehors et saisirent toute la ville en leurs mains. Dont les manans desbarettés durement s’enfuirent tous esperdus, l’ung par sus les murailles, les autres par poternes secrêtes, ou se muchoient en croutes de terre et en cavernes. Etle capitaine d'icelle nommé Percheval-le-Grand surprins négligent en son . lict, laissant femmes et enfans, quand nulle résistence n’y servoit, se sauva au mieulx qu'il pot et yssit de la ville avec plusieurs autres, bien confus ; et vint tout droit à Lihons
conter sa male aventure à messire Jehan de Luxembourg son maistre.
