CHAPITRE XCIE

Comment l’on commencoit à ordonner pour l’enterrement et funérailles du duc Philippe.

Or entendoit-on à tous lez à l'enterrement de ce noble duc mort et au service qu'il en convenoit faire , et à l'avenant de son nom. Si furent faites merveilleuses apprestances en diverses commises mains , et de diverses sumptuosités , là où riens n'esloit espargnié ne fait au mince , ains à double ou à triple plus qu on n'avoit oncques veu ailleurs. Quinze cens draps noirs y avoit taillés et décoppés de la part du duc, pour revestir de dueil les serviteurs, tant de cely qui gisoit en bière . comme de cely qui venoit en règne; et n y avoit escuger, ne chevalier, ne noble homme de nom et d'estat qui n'eust lougue robe et chapperon de fin drap , ne depuis le chancelier jusques au derrain secrétaire qui n'eust sa longue robe en pareil, et tous les menus ofliciers, comme gens de bas estat, robes à demiejambe, dont il y en avoit sans nombre; et tant que c'estoit une infiuité de voir gens porter dueil et de ver robes noires par Bruges, là où tout ce qui se véoit à l'œil , ‘à peine se monstroit porter noir; avecques ce, que la ville de son propre intérest . tant par les mestiers et confrairies, tant par les nations qui fort s y monstrèrent aussy , et tant de la part de ceulx de la loi et des grans de la ville, ladite ville en revestoit ung bien grand nombre

pour monstrer le dueil du défunt; les ungs

pour accompaignier le corps, et les aultres pour porter les torches à l'enterrement, dont l multitude estoit sans nombre.