CHAPITRE XCI

‘Comment le duc Charles trouva grans biens déleissiés par son feu père.

Grand à merveilles et sans nombre fut l'a voir qui fut trouvé emprès ly en ceste ville ‘ de Bruges, sans encorre cely qui reposoÿ

pour trésor eû son chasteau de Lisle, et duquel pour le tout et sur le tout ung nommé Jacot de Brésil, garde des joyaux , avoit la maniance ; et lequel, comme ung vaillant prud'omme et qui longuement avoit servi le père, se porta si léalement et si entièrement envers le fils, que le fils l’en prisa et recommanda beaucoup ; et firent tous aultres : car estoit en ly de luy céler, s'il eust voulu ,ung merveilleux avoir en menues choses diverses ; oultre ce encore que buillié lui avoit esté par inventaire , el de quoy il eust pu faire son plaisir ; et ne tenoit qu'à 1y, car meismes cely qui gisoit mort ne les avoit jamès veu. Mès ledit Jacot, aimant mieux son honneur.et sen ame que nul avoir mal pris, fit clère et parfaite ostension de tout, et en fist tele et si ample descouverte, et en tele multitude, que tout le monde s'en esmerveilloit du tant. En parcil feist ung aultre léal preud'omme et bien aimé , Jehan Martin, son sommelier de chambre , lequel avoit en main toutes ses menuetés qui appartenoient à son corps et à son plaisir faire , or et argent et joyaux, qui montoient à grand prix, et de quoi il fit très léale et libérale délivrance et ostension à l'éritier ; jusques à mettre avant pour mille ou douze cents escus d'esguillettes de noire soie ferrés d'or pour lacier son pourpoint et ses chausses ; et beaucoup d'autres teles menuetés de grand prix, et que jamès on n’eust demandées ne accusées. Si s’en loa le duc héritier grandement, et le recommanda pour ung preud'omme bon serviteur , et le retint en sa grace, jà-soitce-que ce Jehan Martin ne procura point le service du fils après avoir perdu le père ; mès tendoit et prioit pour partir de ly en sa bonne grace; et aveucques bonne et pleine satisfacion faite , soy aller tenir à Digeon en sa maison , et à Rouvres dont il estoit chastelain ; et le duc le lui agréa. Mès Jacot de Brésil fut retenu et choisy , digne sur tout aultre vivant de demorer en son estat. Après meismes, quand il eut volu abandonner son estat, se ne l'euston souffert partir, mès l'eust-on retenu à presse, quoiqu'il y eust des aultres assez qui y taschoient.