CHAPITRE XCIV

Comment le duc fut porté en terre accompaignié de plusieurs princes , prélats ct gens nobles.

A porter ce duc Philippe en terre avoit de grandes cérimonies , et riens touttefois qui ne feust de raison et bien séant à l'estat du mort. Seize cens torches y avoit à le porter en terre, dont tous les porteurs estoient vestus de noir : quatre cens de par le duc héritier ; quatre’ cens de par la ville de Bruges; quatre cens de par le membre du Franc; et quatre cens de par les mestiers de Bruges. Entre lesquelles torches alloient bien neuf cens hommes notables , vestus de dueil , tant nobles hommes que officiers et notables bourgeois, et après lesquels en queue sievoient scize prélats , que évesques que abbés : l'évesque d'Ybernie, un évesque qui estoit d'Angleterre, l'évesque de Cambray, l'évesque de Touraay, l'évesque d'Amiens, l'évesque de Salombrie ; et tout le ramenant estoient abbés.

A porter le corps avoit douze, que comtes, que barons , que banerets ; le comte de Joigny premier, le sieur de Crequy, Philippe de Bourbon, le marquis de Ferrare, le seigneur de Boussut , le seigneur de Bours , le seigneur de Comines, le seigneur de Breda, Philippe, fils de monseigneur le bastard de Bourgoingne, le bastard de Braibant, le seigneur de Grimberghe.

Au desseure du corps avoit ung poile de drap d'or bien riche , et lequel portoient le comte de Nassau, le seigneur de Chalons, le comte de Boquan, et messire Bauduyn, bastard de Lille. Entre les prélats et le Corps avoit quatre roys d'armes enchapronagi de deuil, et vestus de leurs cottes d’ar-

CHRONIQUE DES DUCS DE BOURGOGNE

IIIe PART. 997

mes : le roy de Brabant, le roy de Flvk-es, le roy d'Artois et le roy de Haynau.

(Ici se troure une miniature (1) et le terte qui suit en est l'explication.)

Charles , novellement duc de Bourgoingne, né prince de grande venure et de haulte attente, fils d'ung père qui n’a pareil, et d'ung duc dont le nom ternist les couronnes, que siés-tu ici, et te maintienss morne et pensif? Es tout en dedens toi, encombré, ce samble, en l'esperit, et au dehors tout altéré visiblement en tes meurs et en tes manières. Icy, à destre et à senestre , t'avironnent multitude de gens, diversité d'hommes et de femmes qui te traveillent, t'estonnent les oreilles, t'encombrent la veue et l’entendement, te tirent par manteau et par robbe, et couchié encore en lit, te hochent l'oreiller de ton repos. Les vecy, Charles, les vecy! je te les monstre (2). Ce sont personnages de nouvelle affaire et de grand note, et lesquels, posé que sambler poroit qu'ils te deussent inférer passion, si sont-ils néantmoins de l'essence de ton nouvel estat , et de la congruité aujourd'hui de ta haultesse. Regarde en moi, regarde , Ô prince pensif, reprends vertu et vigueur en toy, et entends et prends escout à mon estre. J'ai à nom Cler-Entendement, luminaire et estor le plus précieux de l'homme, qui en la perplexité où je te voy ahers et assis, quasi tout entrepris entre faire et non faire , te viens à confort , et monstrer que là où maintenant, peult-estre, te tiens à vexé de cestes diverses gens, non appris, tu tiendras à salut et à grand fruit leur venue , et oy apprès la presse qu'ils te livrent à grand joie. Si ne t'esmaie, te prie, en riens, de choses que tu voies , ne ne fay murmure.

Toutes ces personnes cy ont leur nom, leur nature et singulière opéracion, à toi servantes;

(4) M. le comte de Bastard, qui a trouvé cette minia-‘ ture assez belle pour la faire entrer dans son admirable ouvrage sur l’histoire de la miniature, a bien voulu eu faire faire pour moi une réduction que l'on trouvera en tête de ce volume.

(2) Ces mots jete les monstre feroient conjectarer que le beau manuscrit, dont la Bibliothèque du Rœ ne possède que deux volumes , est celui mème qui fut présenté par l’auteur à Charles-le-Téméraire. Il serait mème possible que Les corrections fussent de sa main,

Es

sont de ta nécessité, et quasi de mesure que tu es; quièrent ta personne et ton approce ; désirent à estre veus et oys, et grand part de tes intériores vertus envers eux tournées. Leurs noms venront après pièce à pièce , là où par sinoulières narracions je parlerai de leurs singulières qualités par doctrine, et comme le présent mystère requiert que j'encommence , et que je le te déclare, expositeur, ung après l’aultre. Dont , et pour ce que une dame entre toutes ies aultres s’est ruée à genoulx devant toi{1), et comme la derraine venue s'est approciée à toi par importun langage, veullant avoir le premier ascout, mey arguë aulcunement en son importunité ; et pour ce que l'impression m'en est plus agüe, ferai mon commenchement sur elle.

Et jà-soit ce que les aultres soient de substance très grande et de très grand effect, et plus peult-estre et trop plus que ceste, toutesfois, comme il convient avoir entrée en toutes choses , et en toutes matières convenable adresse, ceste icy , la derraine venue , sera portière et ouverture à toutes les aultres, laquelle , comme je la treuve baptisée de propre nom , et à tout son miroir qu'elle te monstre, se nomme Cognoissance-de. toy-meismes.

Qui prendrons-nous doncques en ce roy près de nous? Ne nous besoingne Charlemaine, ne Pepin, ne saint Loys, ne le roi Jehan. Prenons tant seulement le roy Charles derrain mort: et combien que le throne de France soit plein de glorieux princes, et dont les exemples sont pleins de saveur, cestui, pour la frescheur de son règne n'a guaire, et quinous pend encore en l'œil, nous sert et profite. Cestui roy Charles , en son double règne, advers et prospère, t'est exemple de haultes perfections. Ly povre et environné de tribulacion, par nécessité de sa fortune, veillant en vertu, excita aussi les vertus de ton père par tribulauion semblable ; se glorifia soy meismes en porter constant son adversité ; et glorifia ton père par ly donner occasion de craindre la sienne ; puissant à puissant glorifioient l'ung l'aultre, l'ung par nécessité de son maleur pour le vaincre, ‘'aultre par felleté de corrage pour venir à vengeance, ne perdirent riens

(£) La miniature la représente ainsi,

GEORGE CHASTELLAIN

de los l’ung ne l'aultre ; mès tous deux estoient exemples d'onneur à aultrui. Fortune mua depuis aveucques ce roy; et vertu qui l'avoit accompaignié en adversité lui tint pied ferme, et ly à elle, en fortune amie. Ton père et ly montoient et croissoient en recommandacion égale; estoient lune et soleil en ung ciel. N'y avoit cely des deux qui n'eust l'œil en son compaignon , et qui ne visist à mieuix faire et au plus haut atteindre ; furent grans tous deulx ; occupèrent la terre toute en leur renommée ; n'y avoit fame que de eulx deulx, ne fait que de leurs mains. Tous yeulx se baissoient en leur nom, et tous règnes d'ailleurs s'umilioient envers leur gloire. Luisoient tous-jours néanmoins en vertus l'ung contre l'autre pour plus avoir ou plus savoir ; metloient en æuvre ce que nature pooit; et tout ce que vertu leur donna part, ils le monstroient : adresse , sens , puissance, vaillance, engien, pourvision, rigueur tellefois, tellefois pitié, tellefois felle pourpos, telle d'exortance, tousjours froideur, toutes-fois, soubs cremeur de Dieu et soubs compassion du chrestien peuple ; enfin, ne vaincus ne vainqueurs se pacifièrent. Que fit ce roy Charles après , en tandis que ton père glorifoit son règne en aultres divers lieux ailleurs? ly de son royaulme tout désolé, tanné et deschiré comme ung désemparé et démoli à tous les costés, miné en ses fondemens , et en toutes ses beaultés et magnificences mis à ruine, sans labeur, sans peuple habitant, sans marchandise et sans justice, sans règle et sans ordre, plein de larrons et de brigans, plein de povreté et de mésaise, plein de violence et d’'exaction, plein de uürannie et d'inhumanité, et qui mesmes avoit son royal throne et siége gisant par terre, tombé et enversé ce dessusdessoubs , scabeau des piés des hommes, foulure des Anglois, et le torche-pied des sacquemans, il, en grand sens et labeur, en toute fréquente pourvision nécessaire, par vertu, par diligence, par conseil et par remède, le remist en justice jet en paix ; le remist en ordre et en règle; le repeupla d'hommes et de labeur; le ramena à francise et à richesse ; et tout ce qu'il y avoit de mal, il l’extirpoit et le déchassoit dehors : et tout ce qui estoit de profit, de gloire et de : salut, tout y faisoit rec:oistre et renaistre par

babondance ; et tellement qu'en recouvrant : l’amiendrer en nouvelle guise. Si en advint que

son royaulme tout à y par sens et par armes, ce qu'oncques n'avoit eslé veu en aultre, il en ft le royaulme de bénédiction , le royaulme de justice et de seurté , le royaulme de cremeur, et du souverain honneur du monde. Et ly, cause et procureur de tous ces haulx biens, s'acquist triumphale gloire et loenge sur tous les roys de la terre; lequel, comme il avoit édifié son throne, et ramené à ceste glorieuse perfection, tout uni et rejoint en ses membres, et tout en ung rond entier, payant son deu de nature, n’a guaires le laissa tel à son fils par succession.