CHAPITRE XCVIIT

Comment le duc Charles séjourna à Deinse deux nuits attendant que les Gantois eussent appresté son entrée.

Or vint le jour que ce jeusne duc Charles partist de Bruges à tout le grand trésor qu'il avoit trou7é au trespas de sùn père; et tenant

à trois lieues près de Gand, en une villette nommée Deinse, prist là son giste la première nuilie; car estoit averti que Gantois n'estoient pas tous apprestés encorre jusques au parfait en ce qu'ils avoient disposé pour le rechevoir, qui estoit grand chose et soptueuse ; et partant fust requis des Gantois qu'il lui pleust ung petit retarder une nuit ou deux son accès. Et en effect l'intencion générale des Gantois estoit toutte une et d’une eflicace, que dele recevoir en toutte honneur et amour, sans nulle difficulté quelconque , combien que aultrement en avint, élas! en dure et piteuse confusion de la ville et de maint vrai honneste et notable prud'omme , qui tous en fondirent en honte et en annuy, et qui tous ignorèrent ceste aventure ! Et pour ce qu'il y avoit une grande multitude de bannis de Gand, qui tous l’attendoient dehors les faubourgs pour entrer aveucques ly en Gand, comme il cest de coutume à ung novel prince de les affrancir et de les mener dedans, le duc, celle secende nuit encore, fist son piste dehors de Gand au plus près des fourbours , en une joliette maison d’ung bourgeois, pour entendre là aux causes et aux tiltres desdicts bannis , et pour savoir quels et comme fais ils estoient , et qui dignes ét moins dignes pour jouir de sa prace, car voloit toutes ses graces faire et donner à pois et à mesure, et donner là où il estoit honneste, et refuser là où il estoit raisonnable. Et pour ceste cause, les fist couchier toute une nuit en ung pré assez près de ly, attendans évualement sa #race et son refus jusques au matin, là où les aulcuns furent recheus en grace pour entrer aveucques ly, et les aultres, dont le cas estoit plus pesant, furent surscis jusques à la vespre qu'il s'aviseroit aveucques son conseil sur leur cause, qui tous touttes-fois y entrèrent le lendemain, où la plupart les envoya querre le duc par son hault bailli de Gand, qui en cestui cas présenta sa personne et les mena dedans la ville.

GEORGE CHASTELLAIN