CHAPITRE XCVII

Comment par ci-devant les gens notables souloient porter à Gand le corps sainct Liévin où de présent menu peuple le portent.

Or loist il sçavoir que Gand a multitude de glorieux corps saints qui y reposent ; et entre les aultres il y en a un nommé sainct Liévin , lequel de tout ancien temps et depuis le jour de son martire veult estre porté au propre lieu où il reçut martire , à trois lieues près de Gand, en ung villaige nommé Haultem; et là le convient souffrir à repos une nuit , et le lendemain , qui est le jour de la feste, veult estre reporté en Gand, à Sainct-Bavon, là où il repose. Comme doncques , dès le commencement de cestui merveilleux mistère, soloient noblement et en grand multitude porter et accompaigner cestui noble corps sainct au lieu de son désir , et de le ravporter en grande et haulte solempnité et révérence , depuis certes et comme le temps va toujours coulant, et que bons usages et bonnes mœurs cessent et se changent, et muent en malvaises , et se refroidissent par longuesse de tems ; les notables gens souvent s'esloingnent de charité ; la révérence qui est due à saincts et à sainctes, chiet et se parmaintient en ces derrains jours où nous sommes en la cultivoison de menue gent basse et pauvre; et tirent les grands et les nobles leur pird hors de la peine, par tanance. Ainsi et tout en pareil est advenn en Gand, là où les notables et dévates créatnres soloient

CHRONIQUE DES DUCS DR BOURGOGNE.—IIT PART

AOS

porter et rapporter ce glorieux corps sainct tous les ans au lieu dessus dict. Maintenant une multitude de respaille et de garchonnaille malvaise le portent, crians et huans, chantans et baléans. et faisans cent mille dérisions , et ivres tous. Et comme ils y vont en grand multitude et en grandes cohortes, tous en pourpoints sans robbe pour estre plus légiers, sont tous , ou la plupart , armés d'auberjons ; portent chapelines de fer et espées et braquemarts , et font des oultraiges beaucoup par où ils passent, comme tous desliés et deschainés ; et est, ce samble à voir , tout à eux pour le jour, sous l'ombre du corps.

Toutes-fois par considération du mal et du dangier qui cy se pooit occuller en tems à venir, le duc Philippe, après la bataille de Gavre y mist loy et réglement , et establit en Gand, par perpétuel édict, que jamès cestes gens-cy qui portoient et devoient porter ce glorieux eorps sainet, fer ne baston ne porteroient, ne porter ne poroiïent sur eulx , ne auberjon ne riens, afin de éviter toute esclandre et tout meschief en multitude de teles gens quand ils se trouvent ensamble, et dont les dangiers sont fort à craindre. Dont , comme ceste ordonnance avoit esté mise sus par le duc Philippe , et jà bien observée par l'espace de treize ans que bien s’estoient portés et doucement, maintenant à ceste derraine année, quand ce nouveau duc les devoit venir visiter, s'avisèrent d'une nouvelle couverte malice ; et là où ils ne devoient porter point d'auberjon de fer , faignans vouloir obéir et aon user d'infraction , avoient fait faire et getter en mole une multitude d'auberjons de plong de ducaserie, affin de les porter, par enseigne du temps passé, sur leurs manches, pensans que cela seroit tourné à jeu et agas, là où eulx avoient aultre entendement tout à certes.