CHAPITRE C

Comment le menu peuple mutin raporta sainct Liévin, et l’esmocion qu’ils firent à Gand.

Je coule doncques et laisse désormès la manière de son entrée qui estoit rice et joieuse en samblant, et lui donne son repos, ei à toute sa chevalerie, celle nuit en Gand, faisans grand chière et festoy, et sans nul ascout , ne attente, ne à mal ne à meschief, non plus qu'oncques mès ; et veul venir maintenant à celle garchonnaille, qui estoient vuidiés de Gand atout le corps sainct, qui, celle nuit aussi, tandis qu'ils avoient la clef des champs et n'avoient nul correcteur sur eulx, en malvais propos, faisoient grand chière aussi, beuvans, mangans et sifflans, et jurans inhumains sermens qu'ils feroient merveilles, et feroient parler de eulx, et feroïent des montaignes vallées et des vallées montaignes. Et leur sambloit bien, qu'en peu de chose, il estoit bien en eulx de faire ung brouet, qu’à le humer ou à le flairier au nez, il seroit de fière coustance et de saveur amère. Que mauldit en soit le propos et les vanteurs de leur vantise! Or est-1l de coustume qu'en ce village, là où se porte cestui corps sainct, il yest comme ducase , et de tous lez du pays y aflluent gens. Parquoy, aveucques ce que Cabarets et tavernes y sont à grand nombre, marchans aussi et marchandes qui vendent

enfans. Or estoit ainsi; mès ne sçay si c'estoit d'aventure ou de fait avisé, qu'entre ces fondures de plong y avoit ung merveilleux grand nombre d'auberjons, contrefeits en manière d'affiquès, et pour le mettre sur manches et ailleurs, là où on vouldroit. Sy n’y avoit cellui de toutes cestes gens Gantois à venus qui nen prist ung et le portast en lieu voyable, sur son corps, par grande risée, disans et gabans : « Par le sang et par les plaies! on nous a deffendu de non porter auberjons : au moins en portons nous maintenant, qui que veoir le veuille; et devenra plong et acier après. Laissiez faire ; tel rit aujourd'hui bien haut, quicy après aura bien male nuit et peu de joie. Çà, çà, rallons nous-en ; il n’a riens fait qui ne fait plus fort, Gand est bien en la gueule des loups, et en la main des malvais paillards larrons qui nous menguent poumons et foie, et sous le nom de prince s’engraissent du nostre, et le boutent en leur sac; et sommes bus et mengiés et desroubés ; et qui pis est , le prince n’en scet riens. Mès avant qu'il soit gaires , il est maintenant en Gand; il en sara bien à parler , e1 en ara les novelles, se Dieu nous donne retour jusqu'à là. » Telles et samblables parolles avoient entre eulx ceste respaille de gens en leur-retour vers Gand, les ungs en couvert, et les autres à plein de vol; et estoit une conspiracion faite entre eulx secretement et toute poursetée à terme et à heure pour venir à leurs fins, comme il apparut bien. Car prestement, ainsi que rentrés estoient en la ville, et comme se tous délibérés venissent chantans et huans pour faire aulcun outrage, vindrent passans par le marcié du bled ; et là faisans leurs carolles et leurs follies, pour surattendre l'ung l'autre , tant que tous fussent ensemble tout en ung flot, vindrent à hacques et à maques ; et tirèrent à terre une petite maisoncelle qui estoit là assise, là où les cueilloites se recevoient par les commis, et laquelle , en leur rabieuse et bostiale fureur, ils mirent en cent mille pièces et en toute confuse occasion, prenans chacun une pièce ou une piècette d'icelle , laquelte ils portèrent parmi la ville

en leurs maisons , disans :« J'en ay ,j'enay» ; et par desrision, se vantoient d'en avoir les enseignes. Comme doncques ils eurent ainsi explouie par doloreux commenchement , et espéroient bien tantost avoir sieute et adhérence, avant que puissance pust venir contre eu pour y résister, crièrent entre eulx : Sta/ sta! sta! et crièrent alarme. Et soubdainement, en tous les carrefours prochains, le peuple s'esmeut , et alors tout ce qui avoit le corrage mutin, et ce qui s estoit tenu en recèle, de peur de la justice, prestement tout courut aux armes ; et comme se bannières fussent venues toutes novelles par faérie , tout vint au marchié à bannières levées, en nombre de divers mestiers, aulcuns qui, de tout temps, ont esté naturellement mutins, et les premiers au mal faire ; et venoient crians à horrible voix : « Tuez, tuez, tous ces paillars machefains, .ces larrons desroubbeurs de Dieu et du monde! Où sont-ils? Allons les querre et tuer en teurs maisons, si que male tuison s'en puisse faire, et qui tant ont vescus à nostre piteux dammase. »