CHAPITRE CI

Comment o1ant l'alarme des Gantois , le duc envoya vers eux le seigneur de Gruthuse.

Or oez cy piteuse aventure et bien confuse pour Gantois , par espécial les preud' ommes qui en la ville estoient, et de ceci ne se doubtoient. Prestement ceste criée à l'arme vint jusques au duc, et lequel, en ce meismes instant, estant en sa chambre, disputa aveucques aucuns , ses privés, de la grasce et courtoisie que faire voloit aux Gantois, lesquels if avoit et les voloit conjoir , ce disoit, d'aulcunes graces. Comme doncques ceste horreur du cry retentissoit parmi la court, et aue tous les serviteurs du duc raffuyoient de la ville devers ly, tant pour le garantir et défendre comme pour eux-meismes sauvcr, le duc s'espouvanta durement; et comme féru se trouvast d'ung maillet au front, se trouva esmerveillé de ceste. besongne; et n'en pooit, ne hors, ne ens, dont ceci pooit venir, à ce qu'on lui avoit donré à entendre, et que meisines il avoit en propos de leur faire. Si lui sambloit que voirement estoit-ce

GEORGE CHASTELLAIN

ici une dure et estrange réception et entrée en seigneurie , là ou telles manières et feïletés se monstroient pour perdre iy et les siens. Se rassura pourtant et réconforta de tout péril, comme qui prince estoit de grand cuer, et se vit environné de multitude de grans hommes et de vaillans chevaliers , ensamble et de grand nombre de ses archiers bien en point. Si demanda son cheval, et commanda que prestement tout le monde montast en selle, car iroit veoir, ce disoit, la mellée. Et juroit Sainct-George qu'il parleroit à eulx de près, et sçauroit à quelle intencion ils seroient ainsi esmeus, ne quelle chose leur fauroit.

À ces mots estoit emprès Îy le seigneur de Gruthuse , ung noble chevalier de Flandres, qui, de long-temps, congnoissoit la nature des Gantois, et cognoissoit aussi la chaleur’ de son maistre le duc; craignoit aussi qu’il ne usast d'aulcune malvaise manière envers l'esmeu peuple, et de quoi mal pust ensievir.

Si lui dist : « Monseigeur , pour Dieu! contenez-vous; vostre vie et la nostre de nous tous pend en vous sçavoir bien conduire. Au tour d'une main, vous et nous sommes tous morts ou tous sauvés, si vous volez. Si vous usez de conseil et de froideur , vous ferez du peuple ce que vous vouldrez par beles paroles. Vous-meismes aultrefois les avez veus en cest estat, du temps du duc vostre père qui les sçavoit avoir à point et les rapaisier par doulceur. Si en a-il tolléré beaucoup et souffert aultres-fois plus qu'oncques prince, et leur a donné rémission et pardon pour ung mieulx. Envoyez vers eulx, et les faites doulcement interroguer de par vous, quelle chose leur fault, et leur faites promettre que les orrez volentiers en leurs plaintes, et que vous leur ferez bonne raison. Aultre chose ne leur faites, je vous certifie, vous ferez d'eulx ce que vous vouldrez. »

Alors le duc commanda au meismes chevalier qu'il allast, et qu'il s'enquist de leur convine, et qu'il lui préparast voie , et il le sieuvroit après. Si y alla le chevalier, et s’y porta haultement ; car sage estoit et bien emparlé ; ‘et moult leur estoit amé et agréable; et les arraisonna de belles paroles et doulces, disant qu'ils avoient ung nouveau prince qu

1467] CHRONIQUE DES DUCS DE BOURGOGNE.—III* PART

tout feroit pour eux ce qu'ils vouldroient, et estoit bon et débonnaire et véritable prince de justice, également pour grand et pour petit. Mais n'estoit point leur honneur, ce disoit, de eulx ainsi esmouvoir à sa nouvelle entrée, qui le jour de devant l'avoient recheu à solennelles processions, et maintenant le venoient saluer à bastons ferrés. Si leur requist qu'ils s'en voulsissent déporter, et rentrer chascun en sa maison. Lors respondirent tous à une voix commune.

« Seigneur de Gruthuse , nous sommes tous pour morir et pour vivre avecques nostre prince, et n'avons nulle action ne volenté ‘ contre ly, ne contre les siens , qui tous sont et seront saufs entre nous comme au ventre de leur mère, et morrions pour eux; mais nons en volons tant seulement à ces malvais larrons , qui desroubent monseigneur et nous, et endorment monseigneur en bourdes et en faulx donner-entendre , et gastent sa bonne ville et la desroubent, et de nous ils nous suchent le sang des veines, et nous en mocquent, qui morons de povreté ; et vous disons bien que c'est la plus grande pitié qui oncques avint, se monseigneur ne nous en fait la raison et qu'il les corrige : car vous disons bien, et le vous donnons à cognoistre , que par eulx et à leur cause, nous qui sommes povres brebis, sommes constrains de devenir ioups rabis par leur iniquité; ce que monseigneur nosire prince ne doibt vouloir souffrir que ainsi soyons menés , qui doibt estre pour nous comme pour eulx, car sommes son peuple. »