CHAPITRE C VI
Coniment George excuse aulcunement la fole emprinse iu peuple gantois s'ils y fussent allés par conduite.
Pour donner touttes-fois à chacun la portion de son droit, en tant que raison souffre, et mettre ce tant peu d'excuse que ce peupleci peult avox en ce qu'il s'est ainsi esmeu, ung peu me convient me tourner envers ly par pitié; en tant que , posé que cause aulcunement pooit avoir fondamentale de soi doloir, qu'iln'a quis aultre meilleure voie et plus honneste de la monstrer à son utilité et joie. Car pour remonstrer n'eussent jamès failli à tirer la raison devers eulx, qui les eust maintenu en justice ; car leur prince estoit homme d'agu jugement , et venu pour celle cause devers eux, que pour y monstrer beaucoup de sa grace et de sa vertu en équalité de droiture pour grant et petit. Et croy fermement que s'ils n'eussent abattu ceste malheurée maison par orgueil et'folie, si comme ils firent , et eussent requis au duc en son nouvel venir de grace et de relaxation, voire francement parfaite quitance de cueilloites dont ils se doloient , le duc, francement , les leur eust quités et mises jus, avecques plusieurs autres graces quil leur eust et eussent faites , sauve leur querelle et son amour. Car fault entendre et croire , qu'à la mesure et tiltre du bon droit que ce peuple ici pooit avoir, s’il eust sceu montrer froidement et par bon sens, il estoit quasi impossible que le duc ne lui eust administré justice et bonne raison, et mis remède en sa doléance. Mès en lieu de sens et de révérence print ung entoullis de fol orgueil
CHRONIQUE DES DUCS DE BOURGOGNE.—III PART
AL
en ly mordant ses dens , et pour s'en vengier en propre auctorité, par force et lésion du prince. Car vrai estoit et notoire, ce disoit l'on , que pitcuses excessives mengeries cor- : roient sur le poyre peuple par ces cueilloites ” qui tous-jours courroient, et jamès ne se diminuoient ; et estoient les levées tant plus grandes, ce disoit, et de trop plus grant monte trois fois que la charge pourquei elles furent mises. Si lui sambloit, puisque le prince estoit payé, et la ville assez recouvrée du meschief qu'elle en avoit fait pour vendre rentes , il estoit licite et raisonnable que désormès il pust estre allégié du fardeau aussy dont il avoit fait pleine satisfaction entre Dieu et homme. Dont, ee que il arguoit , c'estoit qu'il imputoit ees deniers , ainsi indeuement levés, reposer ès coffres d'aulcuns de la ville ayans gouvernement, et qui s'en grandissoient, et achattoient terres et scigneuries , et lesquels néant-moins, s'ils estoient mal du peuple et haïs de mort , si trouvèrent-ils fachon d'estre bien de court, et sur quei is se fondoient ou fioient. Et vecy où gist le lièvre et le droit difficile du neu ; c'est que court fait jugement sur ceulx qui coùrt flattent et baisent, et punition sur aultrui de crime dont elle meismes est entachie et toute pleine, c'est d'avarice, de rapine , de tenacité, et qui tout rechoit et nourrit ce qui est de celle secte, pourveu qu'il y ait fruit. Et est tout le monde si enfangié de ceste maudite avarice, qu'à peine n'y auroit juge en la terre qui ne s'en prist à luimeismes pour coulpe ; car envis Fun ver mengue l'autre. Maintenant doncques que la perplexité estoit grande en Gand entre Îles bons et notables, si estoit-elle en court encore plus, pour maintes causes; car le duc y avoit madamoiselle sa fille, dont il eraignoit fort qu'il ne la poroit tirer dehors la ville , et que ces malvais vilains ne le vouroient souffrir, s'ils s'en perchevoient de son allée ; y avoit aussi apporté avecques ly, de Bruges, tout ce qu'il avoit trouvé du trespas de son père, qui montoit à merveilleux grand avoir.
Si désiroit fort que cela fust tiré dehors aussi, et mis à sauveté plus seurement que là; car se la chose tournoit à mal, et que les meschans d'aventure venoient à user de force sur les gens de bien, tout ce grand
avoir là seroit dissipé et perdu , ce lui sambloit, et seroit par aventure le premier ravi. Si fut conclu, par bon avisé conseil, que subtilement et par nuit on feroit tirer les coffres, et les mettre en voie envers Tenremonde, là où ils seroient bien jusques à la venue du duc. Et de madamoiselle sa fille, mès que le duc eust ung peu contenté le peuple par subtiles promesses , l'en feroit le mieulx que l'en poroit d'elle; et s'en vearoit bien avecques ly au gré du peuple; car, pour dire vrai, il craignoit, si faisoit chacun, qu'on ne la detenist par force et par ung contregage , jusqu'à tant que le duc aroit tout consenti et accordé ce que l'on vouroit avoir. Mès On y pourvut par belles paroles et par bon sens ; et le duc, après deux ou trois jours, leur fist mettre jus leurs armes , et chacun s’en aller à sa maison, et de là en avant on traita avec eulx. Et le duc y commist son conseil et les grands hommes de sa maison; et leur promist et fist promettre de leur faire raison de ceux dont ils se doloient , et d'en faire informacion à bonne justice. Pareillement leur accordoit de mettre jus les cueilleites, par ainsi que wouvé fust que la vike se fust souffisamment recouvrée de ses domages , et ly parpayé; leur accordoit aussi de faire ouvrir la porte condampnée par son père, pour cause que par là le vindrent combattre à Gavre; et de leurs chastellenies, il en besoingneroit cy après par bon avis et censeil , et plus à loisir, après soi estre despescié de ses présens grans affaires qu'il avoit sur mains, touchant les divers pays qu'il devoit aller visiter, et rechevoir de ville en ville par le trespas de son père, et à quoi nécessairement il lui falloit entendre, ce disoit, et vrai disoit. Et par ceste manière de parler qui estoit douce, quelque le cuer feust, Gantois se tindrent à contens, cuidans bien avoir fait la besoingne : mès leur coustera de l’annuy beaucoup ci après et de grant peur, dont peu s’en donnoient garde.
