CHAPITRE CVII

Cemment le duc Charles se parti de Gand, et comment ceux de Malines en celle heure se fondèrent faire le samblable.

Par doulces et subtiles voies doncques le

GEORGE CHASTELLAIN

duc partit de Gand et en emmena sa fille , dont le duc fesoit grand dueil; et le duc s'en alla à Tenremonde, tout droit envers Malines ; car à voloit-il estre pour approchier Braïibant.

Or, oyez maintenant et entendez la conséquence de ceste mauldite et doloreuse commocion faite en Gand. Prestement que ceux de Brusselles et les aultres villes de Brabant virent comment Gantois avoient besoingnié aveucques ce duc Charles à son entrée, et obtenu de ly forcéement ce qu'ils ont volu, eux aussi , à l'exemple des Gantois, proposèrent secrètement d'en faire autant, et de non le rechevoir jamès, jusqu'à tant qu'il leur auroit accordé toutes leurs choses à leur gré et à leur vien usage. Et desjà avoient Brussellois estrif contre [y dès avant la mort de son père ; et de quoi, ly estant encore comte de Charolois , leur avoit respondu en Gand, que par sainct Georges! une fois si jamès il devenoit due , il leur feroit bien sentir leur enfant : et ne feroient point de ly comme ils avoient fait du père , qui leur aveit esté trop doulx, et les avoit enrichis et donné l'orgueil qu'ils avoient. Si en souvint maintenant à Brussehois , et le craignoient ; et pensans à prévenir par la forme des Gantois et par ly monstrer visage, conclurent toutes les villes du Brabant une conclusion à l’esmeute des Brussellois; et misrent journée de commune convencion à Louvain, chief-ville du pays , semonnans aveucques ce et requérans les -estats pour y estre. Or, craignoit durement le duc ces vilains de Brusselles, qu'ils ne infectassent et corrompissent tout le pays, et qu’ils ne proposassent de lui faire dangier de son héritage, soubs l'exemple qu'ils avoient prins à Gand , jà-soit-ce-que ce n'estoit point une meisme chose Brusselles et Gand, ne de meisme pois, ce savoit-il bien ; mès au moins ung peu de dangier lui pooit bien donner grand intonvénient aussi ; par quoi se haster et soi avanchier lui sambloit nécessaire; car jà s'estoit avanchié par secret missage le comte de Nevers, d’envoier unes lettres à aucunes privées personnes et villes, par lesquelles il signifioit avoir droit et vraie action en la ducié de Braibant, et lequel droit il entendoit à poursievir par toutes voies convenables en contraire du duc de Bourgoigne et

de tout aultre ; si leur prioit d'assistance et de faveur , jà-soit-ce-que aultrefois et du vivant du duc Philippe, pour ce que le comte de Nevers avoit aultrefois mis avant ces termes, il en estoit décidé et conclu par jugement, et en la chancellerie de Braibant meismes, que ce comte de Nevers n'y a ne droit ne riens. Si en ensievy que, pour plus grande seureté et pour en oster les débas pour à toujours , le duc Philippe requist aux trois estats du pays qu'en sa pleine vie ils voulsissent jurer à son fils le comte de Charolois, qu'après son trespas ils le rechevroient et recognoistroient pour leur seul vrai naturel seigneur et prince, sans aultre, et forclos tout le monde. Mès nonobstant ce, toutes-fois , et qui avoit été autenticquement et solemnellement fait par les trois estats, si y mettoit-il doubte maintenant; et en estoit en dangier pour l'exemple des Gañtois sur qui les aultres se fondoient; et savoit bien aveucques ce, que le comte de Nevers son cousin avoit jà envoyé ses lettres par de chà, pour lui donner empeiscement ; lesquelles toutes-fois bien petit il prisa, et en fit peu de pois et des lettres et de l’homme.