CHAPITRE CX
Comment les nobles de Braibant déclarèrent qu'ils ne tenoient autre seigneur que le duc Charles.
À ce conseil de Braibanchons, à Louvain, là où ils disputoient de leurs besoingnes, le duc y avoit toujours ses gens allans et venans pour lui deffendre et sauver son droit et sa seigneurie encontre les murmurans, et pour leur rabattre leur orgueil , aussi pour monster barbe et visage de prince, combien toutes-fois , et ainsi le fesoit dire , que tousjours vouloit vivre amiablement aveucques eulx , et les maintenir en droit et en raison, aussi bien et se mieux non que son père, et les conserver et garder ‘en paix et en tranquillité contre tout le monde; et se d'aventure, il y avoit chose devers eux qui feust utile et d'expédient au salut du païs et du bien publique , et qui feust mieux de faire que de
lasser , à tele chose certes et à tel avis il y voudroit libéralement entendre, ce fist dire, etn’y voudroit aller à l'encontre ; et quand de leur part aussi ils se voudroient élever en orgueil contre lui, et lui estre rebelles, et faire refus de son héritage traïans autre part, sceussent tous , et bien l'entendissent, qu onques si dure ne si amère follie ne prist à peuple de Braibant, comme il lui feroit sentir; et n'y avoit ne roy ne roc au monde qui les en sceust garantir, et qu'il n’en venist bien à son desseure. Mès entre les nobles, comme je l'ay dit, n'avoient mestier ces paroles ; car ils estoient tous pour |y ; et eussent mieulx aimé la mort du comte de Nevers qu'envers 1y descendre ; là où messire Philippe de Hoornes, cely qu'on appelle seigneur de Gasebecque, ung grand baron, respondi fellement et dist : que les nobles de Braibant n'estoient point pour retirer leur avoir d'envers ung cler ciel pour le contourner et ruér dans une caverne ; et prestement , au mot dévolé, tous les autres qui entendoient bien que ce voloit dire, commenchèrent à dire :
«Parmonâme!il dit bien.Voirement, sine sommes nous. Dieux nous a bien pourveu ; si lui en devons grâces ; nous avons ung noble vertueux prince , et que nous recognoissons ; et vient de la plusnoble racine du monde, le bon père ; nous serions bien maudits et dampnés se nous ne lui donnions et portions l'oneur et l'amour que ly devons. Et nous est faulte et reproce de tant y tarder et reposer dessus ; et n'yane vilain ne ville de quoi il ne se doice bien chevir et qu'il n’en sache bien faire. » Ledict de Gasebecque et le seigneur de Bergues, ung autre grand puissant baron, mirent avant cestes paroles etles continuèrent; et en estoient sievis de toute la chevalerie du pays, qui estoit grande, et des gens du conseil du duc qui alloient et venoient entre deux : c'estoit monseigneur ke chancelier, maistre Anthoine Haveron, prévost de Sainct-Donas, l'archidiacre d’Avallon, messire Guillaume de Bische, et plusieurs autres ; el les seigneurs de Bergues et de Gasebecque vindrent devers le duc aussi de jour à aultre aveucques aulcuns aultres députés de par les estas pour mettre tout d’accort. Et telement fut fait et appoinctié , que le duc se tint à content des
CHRONIQUE DES DUCS DE BOURGOGNE.—II° PART
estas et eux de ly; et faisoient ceux de Lou vain grande préparacion pour le rechevoir.
Si se partist de Malines le douzième de juliet, et entra en Louvain, là où il fut solemnellement recheut à doubles processions, C'est assavoir à processions des gens d'église et à processions des gens de l’université, et à grande chevaucée de noblesse et de notables bourgeois. Et fut le duc tout vestu en dueil comme il appartenoit; et descendi en la maison de la ville, là où il fit le serment , et de là se tira en sa maison pour lui ordonner ; et vindrent tous les nobles du païs le conjouir ensamble ; et les notables de Louvain le vindrent bienviegnier et lui faire les présens. Et demoura par aulcuns jeurs, trois ou quatre, audict lieu ; et de là s'en vint à Brusselles là où arrière il fut très solempnellement receu, et conjoui du peuple ; et là disposa son séjour pour y estre convenablement par aucun temps pour y ordonner de ses affaires; car en Anvers ne voloit point aller encore, pour cause que l’on disoit que la pestilence y courroit ; et par ainsi se tint à Brusselles, surattendant le temps d’aultre nécessité et expédient ailleurs et en aultre ville.
