CHAPITRE CXI

Comment le comte de Nevers escripvist unes lettres assez aigres au duc Charles.

Prestement doncques lui venu à Brusselles, et que tout le monde pensoit que là se devroit tenir longuement pour ordonner les affaires du pays, et d'infinité des offices qui estoient escheus par le trespas du père, tout le monde et de tous lez affuioient à Brusselles, pour procurer et impétrer offices et bénéfices à ce nouveau duc ; les ungs par fiance qu'ils avoient en sa promesse et amour du temps passé ; aultres, parce que meismes avoient obtenu lettres de telle et de telle chose; aultres par vertu d'amis et des grans moiens que avoient devers ly ; et autres à pleines grandes bourses pleines d'or, et lesquels je me doute que point n’estoient les moins recevables ; car partout, et entout temps, par espécial en court, telles gens sont bien venus, ne oncques amour ne servi povre homme, sitost que fait argent ung riche

puissant. Pour doncques avoir sa cause plus avancée, c’est plus fondation, ce samble, avoir bonne bourse, que faillible attente en promesse ne en vraie amour de seigneur. Souvent l'expérience en a plus assagi de gens que de ceulx par non croire.

Jr je laisse encore reposer ces offices en ce nouvel instant, et viens à parler du comte de Nevers arrière; lequel, aveucques ce que novellement avoit envoyé des lettres, comme j'ai dit , à plusieurs particuliers, tant en Louvain comme en Brusselles, nobles hommes et aultres, pour les gaignier pour 1y, s'avisa aussi d'en envoyer une au duc Charles, jà recheu au païs; et par icelles, lui signifia assez impartinament son enflé corrage, par forme de doléance et de tort à lui fait, ce disoit, et de quoi ane fois, quand il poroit , il en pensoit poursievir son droit par une manière ou par aultre, et en prendroit aide de ses amis. Et usant de plusieurs semblables mos finablement monstra peu de sens et peu son honneur d’ainsi escrire à sou chief, soubs qui il avoit esté eslevé, et nourri.serviteur toute sa vie. Mès comme en autres choses plus grandes il s’estoit bouté en follie par avant, encore faisoit-il à dispenser en ceste qui estoit de continuation pareille, en ensievant ses gouverneurs , hélas! et dont ce fut grand damage , et pour ly et pour la maison de Bourgoigne , de le perdre ainsi de double perte , et à quoi il n'y avoit point de remède. Et certes, se sens eust esté en ly, et qu'il eust cogneu qui il estoit, ne quel estoit cely auquel il se voloit prendre par menaces, il eust faint ses lettres et ses vaines paroles qui ne portoient que vent , et eust pris vergoigne de son desvoy , dont son pis faire n’estoit que fable. Et en effet, le duc n'en fist que rire et gaber. Non firent tous les barons d'emprès ly, qui véritablement sçavoient que à tort et sans cause il se présumoit avoir tltre en Braibant; et se oncques y avoit eu aulcune couleur , si avoit-elle esté vidée piéça par les estas du pays, comme j'ai dit ailleurs, du vivant encore du duc Philippe. Et par ainsi, ceux qui ceci savoient en pooient d'autant plus sainement respondre, là où cestui de Nevers se voloit ingérer de mettre sus ceste question non raisonnable , et dont en effet il demora forclos et non oy ; et lui estoit la lune

GEORGE CHASTELLAIN

aussi près pour y ruer aux mains, comme de parvenir à ceste ducié par vertu de sa fortune.