CHAPITRE CXVIIL

Comment Liégedis vindreni assiezer Huy puur ce qu'il ne contribuoit aux tailles.

Encorre estoit le duc Charles en Brusselles, et estoit le mois d'aoust l'an soixante-sept, quand nouvelles lui vindrent que ceux de Liége estoient partis dehors de leur ville, à bannières levées et à grand affustement d'engins et d'urüllerie pour assiéger la ville de Huy, laquelle se tenoit et s'estoit toujours tenue pour l'évesque encontre la cité. Et pour cesie cause, et pour ce qu'elle s'estoit toujours maintenue ferme et franche auadict évesque, k duc Philippe l'avoit tous ours affrancie de toutes amendes et réparacions que le pays de Liége devoit faire à ly et à l'évesque son neveu, sans riens y compartr ne contribuer.

Or estoient les amendes grandes et innumérables que le pays devoit porter alors pour satisfaire au duc Philippe ; et avoient ceux de la cité baillé leurs plus grands et les plus notables de leur ville en ostage, jusqu'au parfait du traitié et de ce qu'il portoit; et dont jà, pour faire le premier paiement qui fut porté en Brusselles, Liégeois avoient esté constraints et si près pris que de faire une partie de leur paiement de vasselle , et des chaintures et menuetés de leurs femmes.

Dont quand ce vint, et que ire les movoit à regarder leur servitude , et que ceux de Huy estuient ct vivoient francs ct à leur paix, et non volans en rien contribuer à leur domaige et perte, prindrent une aigre indignacion

contre eulx; et comme gens capiteux et pleins de fureur, jurèrent, par le sang que Dieu spita! ils y contribueroicnt bon gré maugré, et les iroient courir sus. Et de fait y a:lèrent et as-iégèrent la ville et l'évesque dedans; et fremèrent leur siége bien et puissamment, et s'y tindrent grand pièce.

Dont, quand le duc le sceut, avecques ce qu'il avoit des autres affaires assez sur mains, Si porta-il à dur cestui; et lui sambloit bien que c'estoit ung cas d'oultraige fait tout à propos pour lui donner des affaires ung sur aulire. Mès à tout il pourverroit, ce disoit, en temps et lieu, et s'en cheviroit bien, comme il fit morte!lement et glorieusement. Ce vous apperra bien cy-après, là où à ceste cause il disposera de son armée sur Liége, par tel elfurt que la ruyne est ensievie depuis perpétuelle, ce qui fait à plaindre.