CHAPITRE CX VII

Comment de roy Loys savoit ce qui se faisoit a la reception du duc, et comment il estoit marri de l'alliance d'Angleterre.

Or estoit le roy par delà les marches de

GEORGE CHASTELLAIN

Touraine , et savoit et ooit tout ce qui se faisoit | lesquels souvent en commun affaire estoient in-

par-dechà , et de Gand et de Malines et du tout , et du grand avoir et trésor que ce jeusne duc ici avoit trouvé par le trespas de son père, et comment Gand, après l'offense faite , s'estoit rendue à ly et à merci, et tout l’effect de

ce mariage conclu, ensemble et du chevalier :

du comte de Nevers pris ; car avoit gens qui tout lui mandoient et rapportoient ; et meismes avoit les Liégeois devers ly tous les . jours procurars sa deffense et sa protection encontre son envaye. Si fait à penser qu'entre toutes autres choses du monde , ce qui plus lui desplaisoit, c'estoit ce mariage ; et non sans cause : car, à voir dire , il y pendoit ung souverain péril pour lyÿ et pour tout son royaume , quand oncques il n'a esté permis ne souffert , ne loisible aussi à aucun prince de dessoubs la couronne prendre alliance en Angleterre, pour peur de la conséquence et des périls; et là où cestui, par puissance et par non ascouter, ce sambleroit, à nulluy, print et quist alliance, bon gré maulgré, pour soi porter et tenir roide. Et certes je dis bien alors: que le cas fesoit à plaindre, que ‘ainsi le convenoit faire, et que le plus noble et le plus digne membre de France estoit compuls de soi tant cstordre, comme de soi allier aux perpétue!s ennemis de sa parentèle. Dont, et se le roy en avoit dueil, non merveilles, qaand moi-meismes je le plaignoie et doloie pour la fin future. Toutesfuis et au roy et aux hommes le convenoit porter, fut bel, fut laid. Car encontre puissance qui ne se peult répugner, n'a point de loi qui y puist servir. Le roy touttes-fois, et à bon titre, machina toutes les voies depuis, si comme vous orrez, pour rompre ce mariage , et en l'entendement seul pour le grief qu'il y sentoit pour le temps à veuir. Mès ce fut trop tard : ly meismes, comme j'ai dict, n'a gaires en avoit esté cause ; et à cause de ly et par ses faits et paroles qui ainsi se portoient, cestuy Charles, maulgré lui quasi et par uns despit, print l'al'iance laquelle il eust quise et prise en France, qui l'eust volu traiter par bel et le recognoistre. Mès le temps portoit ainsi alors , et Dieu souffroit à deux jeusnes fiers princes et puissans tous deux user de sa volenté et de ses meurs en propre franc arbitre, et

compatibles; l'ung voloit l'ung, et l'autre voloit l'autre , et tout par inconvénient de peu d'amour et de peu de raison et de malvaise maisnie, quin'ose ou qui ne veut ung prince corrigier ne reprendre en son fourvoy; ains lui conseille chose de meschief et de honte, et le boxte en

folle œuvre tout oultre. L'entende chà ct là

qui peult, mès les rois et les princes ont des passions souvent et des vices en eulx , lesquels, s'ils les voloient rompre, en ensievant leur estat, le monde et eux vivroient en paix, et le povre peuple à leur exemple.