CHAPITRE CXXx

Coniment les Liégeois vindrent assiéger Hay, et comment le duc luy envoya monseigneur de Boussut.

Or estoit l'évesque de Liége assiégé dedans sa ville de Huy en grand dangier. N'avoit que les gens de son hostel pour soi deffendre, et aulcuns nobles du pays de Liége qui tenoient son parti; laquelle chose n'estoit ne ne pooit encontre la puissance qui estoit devant |y, quinze ou seize mille hommes, avecques ce que bien grande seurté n’avoit-il point au peuple de dedans, qui tirent tous l'un à l'autre ; et doubtoit fort qu'il ne lui en peust venir dangier. Si envoya battant ferrant devers le duc, lui signifier son dangier, et le destroit où Liégeois le tenoient ; et lui pria pour Dieu qu'il lui pleust remédier, ains tost que tard, ct y pourvoeoir tellement que la ville ne ly ne cheussent en dansier des ennemis; car sans secours de gens, et bientost, nc porroient maintenir la ville , ne leurs personnes garantir de leurs mains. Comme toutes fois l'évesque envoya vers le duc, à l'eure d'alors le logis des Liégeois n'e:toit encore que de l’ung costé de la rivière; et pooicnt de l'autre lez ceux de dedeans saillir dehors, et recevoir gens et secours à leur bon.

Or estuit le seigneur de Boussut à Malines ; et vint au mand du duc avec nombre de gens d'armes, comme a esté dict dessus. Si lui ordonna le duc d'aller, avec ce que avoit de gens, à Huy, au secours de son nepveu l'évesque , et pour dire à ceux qui estoient là logiés devant la ville, de par ly, que ils se retraissent et s’en rallassent en leur ville paisiblement et sans faire oppression à ceux de Huy, ou si non ly-meismes il y venroit si fort, prochainement et à l'aide de Dieu, que leur retour, quand ils le cuideroient faire, Jeur seroit de grand aventure. Si y alla le

GEORGE CHASTELLAIN

[4467] seigneur de Boussut, gentil chevalier , avec ques ses gens; et envoya le duc avecques ly messire Philippe de Poitiers avecques ses gens aussi; messire Jehan d’Aimeries aussi, chevalier , seigneur de Lens , avecques ; rans gens aussi qu'il avoit, et plusieurs vaillans nobles hommes de Hainaut, jusques au nombre de quatre cens combattans, que ungs que aultres, et tous sous le seigneur de Boussut ; lequel arrivé à Huy, fut grandement bien viegnié et conjouy de l'évesque. Et fist Ledict seigneur son message à ceux de Liége, là logiés , qui peu accontèrent à ses paroles, mès dirent en effect: que le duc de Bourpoigne n'avoit que faire de leur demander riens, car eux ne demandoient riens à ly ne à leur évesque ; et ce qu'ils estoient là venus si n'estoit-ce qu'ençontre ceux de Huy tant seulement, et encontre le corps de la ville qui estoit en leur chastellenie ; et devoient les inhabitans d'icelle consorlir , ce disoïent , et contribuer avecques la cité en tous cousts, frès et dommages, hontes et pertes qu'elle avoit portées ; dont, pour ce que lesdicts de Huy s’en voloient exempter et tenir à fraus, par faveur du duc et de l’évesque, ils estoient venus là pour les y constraindre par force; et n'en partiroient jamès tant qu'ils les auroient en leur pooir : mès au duc ne à leur évesque ne demandoient riens. Ce estoit leur couleur ; et de fait, par ung leur messagier le signifièrent ainsi au duc, lui estant à Malines, pensans de le rappaisier par paroles qui peu leur servirent.