CHAPITRE CXXY
Comment l’ung de la compagnie du seigneur de Bonus sut remonstra prudentement ne soi devoir partir de Huy.
Si en print la charge le seigneur de Boussut, de sauver l’évesque et de le conduire jusques à Brusselles ; et de fait, le mena hors de la ville à l’emblée ; et le mena au plus céléement qu'il pooit de ceulx du siége. Et comme ledict de Boussut avoit des vaillans hommes avecques ly qui ce virent et sceurent, et qui moult amoïent son honneur , aulcun de eulx , et par espécial ung Bertremieu , gentil compagnon et vaillant, lui dit: « Ah! monseigneur, que faites-vous ? Aujourd'hui vous périssez beaucoup de vostre honneur et bon los acquis aultres-fois, quand, pour complaire à ung prestre , vous-abandonnez une ville à prochain péril , dont le duc s’est fié de son salut en vostre vaillance : et maintenant, quand vous en voyez le dangier , et que la deussiez deffendre et nous tous enoorragier, vous vous en allez avecques ung fuyant qui n'acconte à los ne à blasme. O monseigneur de Boussut , fort est et sera se jamès cy-après vous réparez ceste faulte. Et se mal vient ne eschiet à la ville, vous seul en porterez le chappelet et en arez à respondre. »
Et vrai disoit, et notablement, et comme ung vaillant homme; et aussy ledict de Boussut en eut depuis dur à souffrir. Et en fut fort accueilli en court et devers le prince ; et fus! la ville prise prestement après son partement
LA
Et sçaroit-on mal jugier du mieux fait ou du Jessié au seigneur de Boussut , lequel, ce que fit, non fist par couardise ne par peur du péril, mès à bonne noble intencion de sauver l'évesque , en l'espoir d'y ‘retourner à temps assez , ce que non fist, et dont il lui prist mal. Mès l'évesque venu à Brusselles, et veuiliant justifier et excuser ledict chevalier qui l'avoit servi, print toute la charge sur lui, se mal fait y avoit, et de corps et de chevance ; et de quanques Dieu jamès lui poroit donner, le voloit plenir et garantir ; car ce que fait en avoit, il l'avoit fait, ce disoit, à sa grand presse et force, qui tout toutes-fois ne servoit ne à l'ung ne à l’aultre. Et fut l'évesque laidement raboué, meismes du duc, comme un couart cléricque ,'et cely de Boussut mis en la pile au verjus, de croire ainsi et d'obéir à ung lasche prestre, en cas encore de son honneur extreme. Tout toutes-fois fust réparé ; car sçavoit-on de vrai que le chevalier n’avoit rien faict var lascheté, mès par mesprison non cuidée.
