CHAPITRE CXXIV
Comment il y eust escarmuce entre Liégeois et le seigneur de Boussut.
Or convient parler de ces removeurs de guerre la tierche fois, les Liégois qui estoient devant Huy, et là où le duc Charles avoit envoyé le seigneur de Boussut , avecques plusieurs aultres seigneurs de Haynaut, pour confort de l’évesque et de la ville. Or n'avoient encore Liégeois tout parfremé leur siége, quand ledict de Boussut entroit ; etne tenoient que l’angcosté de la rivière. Si firent tant par nuict et par jour qu'ils prindrent la
rivière çà et là , tant que nul ne pooit plus entrer ne saillir dehors, fors pour leur dangier ; et y resto seulement une petite porte de terre , entre les deux bords de la rive, qui estoit avantageuse à ceulx de dedens, et de péril à ceux qui là gissoient. Si se pénèrent Liégeois de prime-face de paignier icellui destroit et de l'oster à ceux de Huy; et de fait l'obündrent , à force de gens et de hardement, une petite espasse. Dont ceulx de dedens , toutes-fois, qui estoient gens de guerre, quand ils se virent si de près aprociés et au vif quérus, se en aigrirent tous en ung novel corrage ; et vinrent à lances et à tranchans fers férir valeureusement dedens ces Liegois qui là gisoient , et en occirent une grand part. Et là y eust ung beau chapplis et une fière mellée ; et y fit vaillamment le seigneur de Boussut , et messire Philippe de Poitiers, et beaucop d'aultres vaillans hommes qui los et pris y acqurent ; et tant que Liégois estoient contrains de eulx reträiresur le derrain bord de la porte , là où nul ne les pooit approcier que par-devant. Et là firent de deffenses beaucop, qui peu leur servirent ; car durement furent entamés et tués en aulcun nombre ; et en aulcun nombre ils se sauvèrent et retrayrent en toute haste en leur grand ost.
Or commenchoit-il à avoir une couverte murmure en la ville, entre le menu peuple qui se vit assiéger et mis ainsi en destroit de ses propres voisins et parens et alliés anciens, de ceux de la cité , comme se faveur voloient porter avecques eux et pité de les veoir calamités de main estrange ; et sambloit proprement qu il y pooit avoir entendement entr'eux et ceux de dehors pour livrer la ville en leur main. Si s'en percheut l'évesque et autres emprès ly, qui y misrent grand guet.
Dont , et comme la peur de cecy luy estoit entrée en cuer, et que aulcuns paoureux d’emprès ly lui en donnèrent assez, pria au seigneur de Boussut, en lui narrant le cas, qu'il le voulsist aidier à sauver et vuidier hors de la ville ; car pour tout l'or du monde , ne vouldroit cheoir en la main°de ses ennemis , ceulx de la cité. Si pesa ledict de Boussut fort ceste requeste ; et envis refusa la sauveté d'ung tel
homme , ungnobleprince etauquel par refus
CHRONIQUE DES DUCS DE BOURGOGNE.-—III* PART
il pooit porter ung grand meschief , et par ly accorder ce qu'il quéroit, faire à ly-meismes une grand honte et blasme ; et par ainsi, entre faire et laissier , ne sçavoit quoi mieulx respondre. Enfin , toutefois , pesa plus la sauveté du seigneur et d'aventurer son honneur, que de viser à son honneur estroitement , en perdant telle personne, pensant mieulx et plus tost réparer ce qu'on lui poroit donner de charge d'abandonner la ville , que de venir à la paix envers son prince, d'avoir abandonné son cousin-germain , l’évesque , en son mortel estroit affaire , et là où peut-estre il eust esté mort.
