CHAPITRE CXXIX

Comment le connestable pour la tierce fois eust plusieurs paroles au duc et l’oppressoit de leisser Liège en PAIX. ; Ceste manière de parler estoit assez aigre

au commencement, mès non pas faicte ne

dicte de malvais cuer; car le parlant estoit tout serviteur humble à cely à qui il parloit,

.ce sçavoit bien, avecques ce que l'ascoutant

accontoit peu à ses paroles, com aigres qu'elles feusssent : mès au moins ne pooit-il que soi acquitter de ce qu'il avoit pris en charge. Et meismes avant que jamès il partisist de France ne de la bouce du roi, si sçavoit-il, et l'avoit bien dit au roi : que c’estoit pour nient de s’en traveiller ; car jamès l'alliance qu'il avoit prise en Angleterre ne seroit rompue, ne par menace ne par prière , Si non par mort; et que cely qui s'y estoit bouté n'estoit point à avoir ainsi d’escousse de bras, car c'estoit ung fort et fier passage et lung des redoubtables du monde en celi temps. Et pourtant, comme j'ai dit, posé que ce comte connestable venist de par le plus hault roi du monde , son maistre , faire ici son personnage et s'acquitter de sa charge, si-venoit-il plus pour estre moyen et instrument de modification entre les deux aigres, que pour estre seul à l'ung ne seul à l'autre. Car cognoissoit que la nécessité du temps le requerroit, et que ce royaume ici estoit perdu, et nous tous, se les deux aigreurs eussent eu cours et voie. Et pourtant, ce comte connestable cy, qui estoit ung sage chevalier et prince, et moult

subtil, tout ce que il pooit avoir en charge du roi, tout ce il le tourna sur manière de conseil et de remonstrance à ce jeusne duc Charles, par amour et dilection qu'il avoit à ly et comme à son prince et seigneur. Dont, pour la seconde charge qu'il avoit, c'estoit que le roi voloit et lui prioit qu'il se voulsist déporter de faire guerre ceste tierche fois aux Liégois; et en cas de non, il lui signifioit que c'estoient ses alliés et ses amis, et Les avoit en sa garde, et il les assisteroit et conforteroit de sa puissance. Mès à peine le connestable Looit avoir dit à demy, que le duc ne luy rompy la broce et lui dist bien fellement : « Beau cousin, tenez-vous-en à tant et ne m'en parlez plus, car quelque chose que avenir me doie , ne qu'il plaira à Dieu m'envoyer, je mettrai mon armée sur les champs, etla tournerai en Liége; si sçaraï à ceste fois se je serai maistre ou varlet. Et dont et qui m'en vouldra destourner et y mettre empeichement , viengne, de par Dieu soit! et il me trouvera pour respondre. »