CHAPITRE CXXX

Comment le connestable excusoit le roy vers le duc Charles pour le différent les Liégois, à cause qu’il les avoit en protection.

Sur cestes paroles ot des grans argumens et de grandes remonstrances de la part du connestable , qui toutesfois y alloit en équité et de bon pié, comme serviteur etami, et disoit : « Déa! monseigneur, ce n’est de merveilles se le roy prend à cuer ceste guerre que vous menez à Liégois , car elle lui touche et compète. Ils sont de sa sauve-garde et de sa protection; et tous les jours du monde clament et crient devant ly, et lui repreuvent ce que déceus sont ainsi en ses paroles et promesses ; et jà deux fois en a dissimulé que vous leur avez fait du mal beaucoup, et dont il s'est teu; si vouldroit que désormès vous vons en tenissiez à tant, et que pour l'onneur de Dieu et de ly, et par pitié et compassion du sang humain, ne voulsissiez plus contendre en leur oppression. Et aussi, monseigneur, vous estes ung très-nob'2 et

CHRONIQUE DES DUCS DE BOURGOGNE.—III PART

très-puissant prince et sage et plein de vertu,

et venez tout novel en règne et en seigneurie;

si devez désirer de y entrer à gloire et à haute renommée de bien et de édification au monde, plus tost que à ruyne et à désolation du peup'e par guerre et duresse. Monseigneur, pardonnez-moi, je suis à vous et vous ai servi jà deux fois en Liége ; et encore, se loisible m'estoit ne que je le peusse respondre, je vous serviroie. Mès, monseigneur, vous devez considérer que Dieu vous a fait et donné des graces beaucoup et de hautes victoires , et dont vous estes venu à glorieuse fin : mès si sont-elles passées, et ne vous sont pas telles à venir certaines. Les fais de guerre sont périlleux et les faveurs de fortune instables ; huy elle rit à l'homme, demain lui fait la moue ; et cely qui plus se confie en sa puissance, c'est cely souvent que le plus elle reboute par estrange voie, et dont nul ne se donne garde. Monseigneur, plus a à garder cely qui a beaucop acquis et beaucop de précieux amas que cely qui est encore tout sore el creux , et n'a riens pour mettre en espargne. Vous avez l'honneur de monseigneur vostre père en vos mains , le plus noble prince de la terre, et lequel est mort vainqueur non oncques vaincu; et vous avez le vostre propre qui est grand et cler, et resplendissant sur tous ceulx de vostre temps. Si vous sied bien de estroitement et curieusement le garder et tenir net, et de non le mettre en l'abandon ne à perte, encore à aultrui appetit et emprise; car se d'aventure vous suc.

combiez encore dessous ces vilains là , où les dangiers sont grans , toute vostre gloire passée, et de vous et de vostre maison, seroit reversée et retournée en songe , et tout esvanoui et esteint quant-ques vous feistes oncques de grand. Et pourtant fait-il bon soi aviser et soi amodérer, et non soi tout oultréement exposer et abandonner aux périls de fortune. Les plus amodérés souvent et les plus subgects à conseil sont costumièrement

les plus tost parattaignans à gloire. Ce que

j'eu dis. monseigneur, je le dis pour bien; je m'acquitte envers vous COMmme mon prince ; je m'’acquitte envers le roi comme mon mais tre ; et à tous deux je suis procureur à mon pooir de leur honneur et joie. Siques , par-

donnez-moi st je vous dis ce que le povre sens que j'ai me porte , et ce à quoi mon honneur m'astraint et oblige de le non vous taire. »