CHAPITRE CXXXE

Camment le duc Charles fist responce absolue au counestable ne soi vueillant désister de son emprise.

À ces mots, le duc respondit : « Beau cousin, je vous ai bien oy et entendu; et à brief respondrai sur tout. Et en tant qu'il touche le ftit des Liégois, je vous ai dit une fois qu'il en est fait et conclu. Et ne faut ne prescheur ne sermoneur pour me venir rompre en ce propos; ains eulx tous et cent aultres y romproient meismes leurs testes, premier que en finer. Que se demande le roy, de me requerre que je les laisse en paix? et que ne les contraint-n, et leur fasse défense que eulx-meismes ne me travaillent ! Veult-il que je les supporte et espargne , et eulx ils nre vouront faire oultrage ! Que leur ai-je demandé quand ils sont venus assiéger Huy, et la prendre, et mettre à sacqueman? Je ne les ai pas quis ne fait travaillier, ne riens esmeu contre eulx de novel: mès eulx sont venus en mon despit prendre ung gentilhomme en mon pays de Lucembourg, et l'ont mis en torture piteusement. Et depuis à tort à mort, et sans cause. Et d'abondant, pour me cuidier espoenter en mon entrée, pensans tout avoir d'avantage, sont venus prendre ceste ville, tendans, ce me doute bien, à plus grand fin, et laquelle ils l'ont quise; et sçai bien à qui et à qui. Pour toutes conclusions, beau cousin : à qui il desplaît, si le tourne comme il l'entend; mès je morrai en l’entreprise, ou je les aray au fouet de jeur extreme perdicion et ruyne , ne jamès joie n'arai en cuer jusques je m'en verrai venpié. N'y a ne roy ne empereur pour qui j'en face aultre chose. » |

Le connestable toutes fois, quelque chose qu'il eust dit devant, si sçavoit-il bien comment ce duc en feroit ; et portant torna beaucop de ses propres paroles à risées, et meismes en fit rire le duc qui pour Dieu n'eust

GEORGE CHASTELLAIN

fait en ce cas pour le roy ne que pour le soudan ; aussi la presse n’estoit pas raisonnable ; mès si séoit-il bien au connestable de remonstrer les dangiers qui peuvent cheoir en guerre , et lesquels nul prince , tant soit grand ne puissant ne fort, ne peut avoir en ses mains pour dire : « De ceci ou de cela je suis asseur, et ne m'avenra point. »