CHAPITRE CXXXIII

Comment le connestable obtint du duc que le terme d'ung demi-an il bailleroit asseurance sans faire emprinse contre le roy.

Or y avoit-il encore ung autre point et qui estoit grand, et que le roy avoit profondement ymaginé nécessaire pour ly de le mettre

avant et de le proférer de tous aultres pour le temps d'alors : c'estoit que ce comte de Sainct-Pol, son connestable, procurast devers ce duc Charles ung seur estat d'ung an entier pour ly et pour ses alliés et amis. Et à ce le menoit une considéracion qu'il avoit, que ce duc icy estoit allié de tous lez du monde pour lui pooir porter grief, d'Espagne, d'Angleterre, d'Allemagne et de Normandie ; et aveucques ce avoit-il une redoubtable et puissante armée sur les champs, preste à tourner à où il vouldroit. Si en avoit le roy peur, parce qu'en [y-meismes il cognoissuit avoir cause pur quoi la peur y devoit estre. Si fit le comte de Sainct-Pol tout son pooir de cest article, et le mérit au duc, lequel prestement Jui demanda : « Que entend le roy par ses alliés ? s'il y veult comprendre les Liégeois et les porter contre moi, soit certain que,

CHRONIQUE DES DUCS DE BOURGOGNE.—.III* PART

tant que je serai vivant homme, jamès de pié de terre que j'ai soubs ly hommage ne lui

ferai ne le baiserai en la bouche. Or les comprende et porte quand il veut. Et quant au seur estat qu'il demande, s’il ne se melle des Liégois cet qu'il ne les porte, je suis content de le luy donner pour demi-an , saufs monseigneur de Normandie et mon frère de Bretagne, «uxquels, s'il leur faisoit guerre ne moleste,

je les secorrai et conforterai de tout mon pooir. »

Mès avant qu'oncques il se voult si avant déclarer que de donner et de concéder le demy-an, ledictconnestable yot grande peine; et le pronuncia le duc à grignans dens et à bien envis dehors sa bouce ; et encore dient les aulcuns, que le connestable ne ohtint point cestui mot si avant pour sa première venue, fors à la seconde, quand ïl revint battant et ferrant vers ly à Brusselles arrière sur son tout prochain partement, et qu'il le mena avecques |y à Louvain.

Si me suis donné aultres-fois merveilles com. ment ung roy de France, roy de la chevalerie du monde, possesseur de son throne en quarrure, et de toute la rondesse de son royaume, cremu et obéi,et que toutes nations ont requis meismes de seur estat, ly est condescendu à requérir meismes seureté, non succombé en fortune. Certes des deux, il en convient l'ung , ce samble , ou que la povreté

A2 “oo + M CR me ee

de corrage y ait esté grand, ou que Île gouvernement d'icely soit meu d'ung malvais principe.