CHAPITRE CXXXIV

Cotnment le connestable avoit charge du rov ravoir les terres de Somme pour la somme qni estoit mise sus.

Or sans cecy encore y avoit-il ung autre point très-difficile; c'estoit que le roy faisoit dire au duc et ramentevoit qu'il peust ravoir les terres sur Somme, pour l'argent qui y estoit mis sus, ct que le duc en voulsistestre content ; qui estoit ung point aussi fort ruyneux et de dangier à le mettre avant, à celle heure encore, quand les choses estoient mal disposées pour en traire bonne fin. Mès je croy, et se peult ymaginer, que, comme le roy tendoit à venir à fin difficile, constraint de le demander , c'estoit d’avoir le seur estat d'un an, il mist avant aussi à ce duc tout ce qu'il avoit de difficile contre ly pour impétrer ce que le duc concéderoit, ce savoit bien, difficilement; et ly par ce il concéderoit de ce qu'il avoit mandé au duc gracieusement ; ct l’ung auroït son seur estat pour ung an, àt l’autre feroit sa guerre à son plaisir, et ne sen melleroit point le roy. Mès oncques toutes-fois, ne pour ceci ne pour cela, ne pour chose que le comte connestable sceust- dire ne faire, ne le pot plus avant mener que jusques à ung demy an ; et en couvint retourner ledict connestable battant ferrant devers le roy ct revenir subit. Mès avant partir, lui respondit sur l’article touchant ces terres de Somme , et dist ainsi : « Je me donne merveilles comment le roy se traveille tant d'une chose que j'ai tant de fois refusée, et à diverses fois , à ses gens qui m'en ont parlé. Ne sçay comment il ne s'en tient à ce que j'en ai dit : car vueil bien quil sçaiche que je vouldroie perdre la meilleure ducié que j'aye ains que je m'en départisse ; et seront toutes les derraines terres et villes que je garderai pour moi. »

Sur ce mot ne séoit point de réphicque, ce vévit bien le connestable; et pourtant n'en fit plus point de presse, et laissa la chose ainsi. Cop sur cop toutefois, et jour sur aulire,

le roy envoya gens et messagiers devers son connestable, pour le solliciter et pour oiïr nouvelles de son besoinger ; et sembloit que moult avoit le cuer en petit repos pendant ceste traisnée. Si y envoya encore maistre Jehan de la Driesche, trésorier de France, auquel assez aigrement le duc parla, et par ses dessertes ; car moult présumptueux homme estoit et des pays du duc, né de Terremonde , et autresfois forfait grandement. Si lui dist le duc et coppa court : « Des menaces du roy je me donne peu de soïng, veu encore que c'est à son tort; ne pour chose qu'il me face mander , ne par vous ne par aultre, je ne laisserai mon emprise, et la boutetai . oultre; et si le roy s'y veut trouver, si s’y trouve ; les champs sont aux hommes. Mès s’il me quiert à faire des maux, je ly en ferai tant que le bel n'en sera point tout devers y. »