CHAPITRE CXXXIX

Comment le roy de Castille, pour aulcuns soupcons qu’il avoit au roy Loys, euvoya vers le duc Charles pour lui offrir entrée en France (4).

Or à ce temps-Cy , et pendant que l’estat estoit ainsi variable et doubteux, entre le roy Loys , roy de France , et le duc Charles de Bourgogne , pour ces Liégois , le roy de Castille qui, de long-temps jà , avoit eu à souffrir de son frère qui le vouloit expulser du royaulme , et dont en traite de temps, après longue division entre eulx, avoit esté faite une paix bien solemnelle , ce roy de Castille, compuls arrière de la malice de son frère, qui enfraingnist la paix et se mist sus à puissance d'armes contre ly (2), fist assemblée aussi, etentra en bataille contre son frère (3), lequel il vainquist , et vaincu fust pris ; et le mist en prison, là où il le tint longuement.

Et comme alors ce roy de Castille avoit durement contre cuer le roy Loys de France , pour grandes causes dont il lui donnoït coulpe , et sçavoit jà le différent qui estoit entre ly et le duc Charles, envoya devers ly, lui signifier et dire : que de quelconque heure qu'il vouldroit emprendre la guerre contre le roy Loys, ly de son bout il entreroit dedens le royaulme, fort et puissant pour ly venir à secours , et le conforteroit et assisteroit encontre tout le monde. Si sçavoit bien cecy le roy Loys, qui n'avoit garde d'en rire , et le craignoit fort ; et pourtant demanda à estre asseuré du costé dont toute l’esmeute 'poroit tourner sur lui : c’estoit du lez de ce duc Charles , qui avoit Angleterre et Espagne , et Allemagne et Normandie pour |v.

(2) Le titre de ce chapitre, qui manque dans le manuscrit n° 8349 , m'est fourni par la table du n° 8348. + (2) Don Alphonse, frère de Henri l’Impuissant , proclamé roi par les Castillans révoltés qui avaient judiciairement destitué Henri en l'an 1465, à cause du scandale de son affection pour Bertrand de La Cueva, amant de sa femme.

(3) Le 22 août 4467. L'archevèque de Tolède, oncle du marquis de Villena ct le plus ardent des conjurés, y fut dangereusement blessé,

" GEORGE CHASTELLAIN, ù