CHAPITRE CXXXVIIL
Comment le duc Charles fièrement délibéra engahir les Liégois par la responce qu’il donna au connestable.
Le duc à ces paroles, qui estoit en sa fierté, tout animé encontre Liégois, respondist et dist: « Ne me chault que le roy en face.
Puisque ainsi veut, je suis du tout réconforté : et ne lesserai jà ung pied à marcher avant , par peur que j'en aie ; mès à plus bel me venist qu'il me lessast faire , et qu'il .se déportast de porter les malvais vilains contre moi, interdis et excommuniés de nostre sainct père le pape par toute derraine sentence.
Dont, et quand il s’en mellera, si est Dieu là haut qui cognoit les cuers, et le tort et
CHRONIQUE DES DUCS DE BOURGOGNE.—III PART
le droit des causes. Et n'est pas dit pourtant que la victoire en doibt estre sienne.
Car, quant à moi, je y clame avoir grand part, et me mettrai en peine de l'avoir se je puis. Ce poise moi que suis constraint de tant en faire et de m'en mettre en ce dangier. Si loueroie au roy pourtant que , sinon à cause nécessaire , il ne se donnast affaire, et dont il se poroit bien passer , et plus à honneur sauf que aultrement. Au fort, son plaisir soit fait; véez-moi ici. Et vous, beau cousin , je ne vous vueil pas empeischier pourtant de bien faire tous-jours et de vous traveiller en ce qui peult estre le plus utile d'ung costé et d'aultre. Toutes-fois, je ne vous requiers de riens, et vous laisse en vostre faire et non faire , tout à vostre francise. »
Atant print tongié le connestable de France partant de Louvain, et s'en r’alla pensant ct musant devers le roy son maistre, lequel il avoit obligié, et de laquelle obligation toutesfois, ly venu devers 1y, il se chevit valeureusement Et tant mena le roy par paroles et par remonstrances, pendant ces douze jours promis, que le roy accepta l'estat de demyan; et se déporta et céda entièrement de la guerre des Liégois et de leur defense ; et en lessa convenir le duc de Bourgoigne, qui tousjours nientmoins marcha avant en pays, sur tous périls et aventures, combien que plus lui venoit à bel et à aise Je déport que le roy en fit que aultrement; et non pas sans cause, car à ceste seule cause, l'ennemisté y feust creue si criminelle entre eulx deux, que jarès de leurs jours n’eust esté estainte. Si valoit mieulx non encheoir en occasion de si grand mal. Toutefois , tout le reconfort du duc si estoit que, si le roy se feust meilé réalement de la guerre des Liégois en son contraire , il avoit deux mille Anslois à Calais, venus tout prests pour les faire venir en Liége, et trente mil francs là envoyés pour les payer en cas de besoing. Mès quand il se percheut que le roy se déporta de son lez , ly aussi il se déporta du sien, et fit tenir les Ang'ois clos en leur marche , sans les mettre en œuvre ; et tant seulement des siens propres, dont il en avoit tant que merveilles, il fist et parfist sa guerre , et mist tout à ruine , COMme vons orez Cy-après.
