CHAPITRE CXLL

Comment monseigneur le duc Charles, nouveau duc, après la guerre des Liégois, fist son estat ordinaire à Brusselles , et des demandes qu'il fist à ses pays, etcomment il veult tenir sa Toison à Bruges.

Après la victoire des Liégois, que le duc Charles avoit obtenue si glorieusement , et que en tout il avoit pourveu de ce qui faisoit besoing au pays, il retourna à Brusselles après le Noël. Et là, pour ce qu'il avoit des aultres grans affaires , aprés ceste guerre expédiée , il voult tourner son entente à y besoingner.

Car il loist savoir qu'encore oncques , depuis qu'il estoit devenu duc, n'avoit eu loisir d'en tendre à riens, à peine de son privé estat, si non à tribulacion et turbacion de cuer, tant pour Gantois, pour Malinois et autres meschans affaires, comme pour Liépois recommenchans guerre contre 1y, tout l'ung sur l'aultre, aveucques les menaces et estranges termes dont le roy usoit envers ly jeurnellement, qui lui estoient de grand pois: Si avoit-il toutesfois pays et natures de peuples à gouverner là où il y failloit bien entendre et tourner temps pour tout y mettre en point , sans avoir empeschement forain, s'il eu-t peu; mais nennil ; car il n'estoit point maistre de sa fortune. Aussi ne pooit-il estre

(4) Le titre de ce chapitre manque &ans les deux manuscrits,

(2) Il y a ici une assez grande lacune qui se retrouve aussi dans la table des matières; elle paraît être de cinq titres de chapitres dans le manuscrit 8348, ei douze pages où vingt-quatre colones sont laissées en blanc dans le n° S3:9,

maistre aussi de sa francise, pour la tourner là où 1l voudroit. Les cas impétueux et estranges le conseilloient à tourner ses yeux envers eulx pour abandonner les siens propres et privés par surséance en aultre temps. Or avoit-il encore petitement pourveu en l’estat de sa maison, sur quoi il avoit fort l'œil, ensemble et sur les offices de ses pays, dont beaucoup pendoïent encore en branle, mal assurés. Et comme il est notoire que la fortune de l'homme , selong ce qu’elle se treuve clère et glorieuse, l’homme aussi par coustume se grandit et magnifie en sa pensée, ce duc doncques voyant son glorieux commencement , aveucques entrée en sa seigneurie , proposa aussy à mettre sus son hostel, dont il n'en y auroit point de pareil en France ; car il se véoit avoir puissance et chevance assez pour le parfurnir. N'y failloit que règle et ordre et entente à la besongne pour bien distribuer tout. Dont 1y, qui estoit homme et prince qui pooit de labeur beaucoup et qui vouloit cognoistre son cas, et combien il avoit de puissance de chevance, et combien tout pooit monter ne soi cstendre , pooit grandement ici pour tout bien conduire. Et de fait, print frain à dents ;,et veilla et estudia en ses finances, et en tout ce qu'il avoit de rentes et de demaine par ses divers pays, meismes et surtout ce qu'il pooit devoir par le trespas de son feu père, et sur twutes les plaies, romptures et vendages de son demaine. N'y avoit riens que de tout il ne presist congnoissance, et qu'il n’avisast aux troux et angles par quoi tout poroit estre estouppé et sauvé. Fit tout visiter, et meismes visita les trésors de son père et de ses grands-pères , et auxquels néanmoins oncques ne loucha par amendrissement ; mès du sien et de ce qui jà lui estoit multiplié par acquest, de ce disposa-il sagement. Son extraordinaire, comme d'acquest sur Liège par amende et comme des aides de ses divers pays, tout cela il ordonna tourner en trésor pour ses futurs grans affaires ; et tant seulement ce qui avenir lui pooit de vrai demaine et de seigneurieux droit, ce il le contourna en la furnissance de sa maison en ordinaire despense et en payement de gaiges et de pensions; et là où le remanant encore demeuroit assez grand. Et combien que

CHRONIQUE DES DUCS DE BOURGOGNE. III PART

AAS

maintenant il sambloit estre quitte et tout à délivre de paine pour avoir obtenu victoire des Liégois , nientmoins s'y rebouta dedens arrière tout au parfond, par sollicitude de son privé fait , pour le mettre tout ung ; tellement que, considérée sa personne quelle elle estoit , et selong la hautesse et la grande infinie puissance de ly, et selong son éage qu devoit estre libéral et joyeux et rouvelent, il se fist blasmer et murmurer contre ly de tant de peine et de soing. Et disoit l’on que à ung tel prince ne séoit point à tant soy envelopper de labeurs domestiques. Toutesfois il en fit comme sage et comme mieux advisé que non y entendre; car son noble père en avoit beaucoup lessié couler et souffert aller à perte, par estre trop bon. Si s’en parcheut bien le fils; et entendoit bien à mieux faire pour |y, et de non s’en attendre comme son père en aultrui main. Dont, pour chose que l'on sceust dire, ne s’en voult déporter toutesfois; ains jour et nuit y veilloit et labouroit ; et tenoit en grand traveil non appris ses gens de finance, mesmes par trop curieuse labeur. Et se séoit aveucques eulx, contant et rabattant et calculant et ordonnant de fil en aiguille, jusques à avoir consommation du tout , tant de debte et tant de monte, tant de cler et tant de payé. Et là fit-il arrest et fondement ; et sur cela édifia-il son estat. Et en vérité , quoique gens parlent souvent à peu de saveur et de sentement sur autrui de ceci et de cela ; mês comme grand que ung rince peut estre et comme puissant , si lui esse plus los et honneur entendre et cognoistre son cas et en avoir la pratique devers ly acquise et par propre peine , que non le congnoistre ne entendre par presce et de s’en rapporter sur aultrui diligence; veu et considéré encore que la souveraine et la première félicité des roys et des royaulmes si est et si pend en savoir dépenser les deniers par règle et par mesure à l'advenant de la recepte. Car quand en iceulx se trouve playe ou fourvoy, et que l'estat est de plus grand portance que la chevance, impossible est que inconvénient n’en ensiève et que mal pris ne se quière pour satisfaire au mal conduit. Ainsi doncques ce duc Charles ne fesoit à blasmer en cestui endroit: mès à loer de voloir cognoistre son fait par

GEORGE CHASTELLAIN

peine et par labeur. Mès s'il le faisoit à in- | qui lui réverberoit en face, si estoit-il jà tencion d'avarice et par delectalion en grans : famé, et doubté, et magnifié par terre et

mouceaux d'or, comme aulcuns lui imputoient aussi, son los en estoit moindre; car certes, sur tous vices je blasme, et à juste cause, en ung grand prince, et par espécial en son florissant éage, vile maudite avarice, qui est mère souveraine de tous grans maux, et qui oncques en cuer d'homme ne fut seule et sans avoir détestable compaignie, assez pour perdre ung monde. O peasent bien grandement que c'est d'avarice , et mettent peine, je prie, à assapier quelles sont et peuvent estre les dépendences et les conséquences !

Certes, se bien les assaveurent , et que cure leur soit autant de leur honneur et de leurs amis comme de cestui mauldit, et qui délecte le cuer et l'empoisonne , ils mettront frain toutesfois en lear conveitise et règle, espoir et mesure. Déà! bien fait à prisier l'homme qui aime avoir pour faire devoir, et qui entend à son cas, et qui scet amesurer sa libéralité à la grandeur de son pooir, user de temps et de lieu et de tout ce qui fait à regarder en prince, garder et restraindre, tenir court et eslargir, et amer amas par provision contre les estranges aventures ; certes bien fait à loer icely. Mès y veillier par délectation désordonnée et par une amour idolatrice , comme pour une félicité extreme, c'est chose damnable et déturpable en prince, et plaie en publique salut, non jamès sanable.