CHAPITRE CXLII

Comment le duc Charles commença à faire son estat fort richement et de grand admiracion.

Pour venir doncques à son estat , et duquel il pourvit à son retour de ceste guerre en Brusselles, il ouvra noblement et proprement en ensievant sa fortune qui estoit haulte et glorieuse , qui en l’éage de trente six ans se trouva en seigneurie paisible, ung des plus grans de la terre, et de plus riche peuple et de plus puissant pays, plein d’avoir et de substance et de privée richesse , prince et duc sans compaignon, cler et resplendissant en victoire. Et aveucques gloire paternelle

par mer pour ses principes. Par quoi, comme j'ai dit, en ensievant sa fortune n'est merveille se à l'advenant d'icelle il voloit essourdre et mettre sus ung-estat en sa maison qui fut du mesmes à l’homme. Car après les faits et les exploits de la guerre dont on prend victoire , l’estat domestique c'est la première chose sur quoi on assied l'oeil , et qui plus est de nécessité aussi de le bien conduire et de le mettre en règle. Dont, comme la noblesse autour d'ung prince, c'est ce dont il se décore et dont il se pare et grandist , il mist sus cent chevaliers estre ordinairement de sa maison, barons et bane .

rés et chevaliers de toute bonne mise et sorte ; il les divisa par termes et par temps, comme ils devoient servir : dix immobilement comme premiers chambellens toute l'entière année; vingt par demi-année; trente par quatre mois de terme, et quarante par trois mois à trois mois, et desquels toujours la plupart se trouvoient ordinairement à l'ostel, les uns par une manière, les autres par une autre. Ordonna aussi sur les quatre oflices des gentilshommes, est assavoir :

escuyers d'escuierie, eschansons, pannetiers, escuyers tranchans, en chascun estat quarante gentilshommes , de trois mois à trois mois, pour servir ; c'estoient huit vingts gentilshommes, sans multitude d'autres qui estoient et venoient depuis à estre retenus.

extraordinaires , et qui servoient mesmes les princes et les grands barons, desquels la maison prenoit autant parement souvent comme des propres retenus. Par quoi il convient dire que ce devoit bien estre une merveilleuse chose à v.ir tant et si grand multitude de chevaliers et d’escuyers en une maison, comme de cent chevaliers tel fois estoit, tous ensemble, et huit vingt gentilshommes, sans les autres qui y estoient d'abondant et qui n'estoient point du nombre, aveucques encore les princes et tous les plus grands qui estoient pensionnaires, comme : messire Adolf de Clèves , le seigneur d'Arpuel , le seigneur de Chasteau-Guion , le seigneur de Fiennes, le seigneur de Roussy, fils au comte de Sainct-Pol , le seigneur de Renty, le marquis

[1463] de Roistelin , le mareschal de Bourgogne et autres. Si ne souffit point dire seulement la retenue , mais convient dire aussi la magnificence de leur estat et de leur service à table , qui estoit le plus seigneurieux que jamés je veisse nulle part en court de roy ne de prince , le plus assovy et le mieux furni que jamès homme verra, je crois, pour ordinaire. Si avoie-je veu à celle heure beaucop de hautes et de glorieuses maisons ; mès jamès nulle pareille à cestui ordre qui estoit ordonné , ne par sales, ne par grandes tablées, mès par chambres toutes distinctes et séparées l'une de l'autre, là où seulement n'avoit que une table pour l'estat de dix. feussent chevaliers ou escuyers; et lesquels dix, autant les moindres comme les plus grands, et toute d'une manière ou d'une qualité et quantité, et tout ainsi comme le prince , et d’autant de tels mets comme y. Ei à tel jour teles viandes furent servis et administrés si grandement, que le souhaidier plus ou mieulx eust esté non pardonnable ; car l'ordinaire valot , ce vous dis bien, le festoy d’ung grand homme. Chascune table de dix avoit un chief qui présidoit, et lequel, sitost que le disner estoit fait, estoit tenu de venir soy présenter aveucques la disaine devant la table du duc, disnant et soupant Et furent les heures si compassées à point, que tous en tous les estas povoient avoir disné pour eulx venir présenter à la table de leur maistre, pour lui donner gloire. Aussi firent-ils. Et n'y avoit tablée qui n'y vint en ordre et en règle; et les regarda le maistre volentiers, et y print grand délit. Et luy sembloit bien, puisqu'il estoit puissant et de volenté pour les tenir aises et tellement comme 1y, il estoit bien raison que eulx aussi eussent volenté de mesmes , pour lui faire honneur et service qui lui peust plaire. Car à dire vray, et aussi ses faits le monstrèrent, il aimoit fort gloire et estre grandi; et puisque l'on cognoist l'homme et ses meurs, il siet bien de l'ensievir et de lui complaire en ce qui est à ses frès; et n'y a point de reprise de se faire servir de près, ei d'avoir volentiers emprès luy multitude de seigneurs et de noblesse , dont nul parement d'or et d'argent ne d'aultre richesse du monde, ne peult avoir approce. Mist ordre

UHRONIQUE DES DUCS D£ BOURGOGNE.—III: PART

aussi et règle en l'estat du conseil et en tout ce qui en dépend, par compétent nombre et règle. Pareillement fist-il en sa chappelle et en l’estat de ses archiers , et tout par confiuon comme de toute sa maison mettre en ordonnance ; c'estoit la fin où il prétendoit touchant cestui point.