CHAPITRE CXLWV
Comment. l'aucteur dist que, en la magnificence et grandeur où estoit le duc , il cust plus tost perdu la vie que les pays qu'il tenoit du royaulme.
Se je doy doncques, et s’il me loist vérité dire, en son temps et à celle heure encore que j'escrivis cestui ehapitre, qui estoit la seconde année de son règne , n'avoit prince en terre de telle magnificence ne de tel appareil. Bien toutes-fois est et doit estre une maison de France trop plus grand chose que d’ung duc de Bourgoigne; mais la grandesse ne faict point tant comme. la manière du faire, qui est practiquée et mise en sa forme par avis. Dont, et comme je dis que la magnifitee estoit grande en aulcuns endroits, si es-
toit aussi sa fortune jusqu'à ce jour, qui passoit, pour trois ou quatre ans , tous les roys chrestiens, par batailles et victoires obtenues , et par avoir donné peur et fréeur à toutes na- Cions voisines. Ait Dieu volu et souffert qu'il ne s'en soit de riens enfiéry , et qu'il lui en ait rendu grasces à l’avenant de la gloire qu'il en a receue! Mès moult mal furent venus et vindrent en périlleux temps ensemble le roy Loys et luy, qui tous deux faisoient à craindre en leurs meurs, et malement tard concordables pour vivre paisibles ensemble. Tous deux estoient princes de fais et de sens; et n'y avoit cely qui ne fust bien pour tourner son contraire par puissance, qui estoit ma:
tère souveraine aux Franchois de haine contre ly, pour ce qu'il estoit si fier et si puissant , et qu'à nul appétit il n'estoit à phoyer, si non à son singulier bon et à son plaisir, qui estoit toutes-fois subject de la maison de France, et estoit Anylois et Francheis ainsi qu'il lui plaisait; et obéissoit quand il vouloit, et quand ne voloit si demora-il ainsi. Tenoit une grand'part du royaulme énonglée et conquise par armes, à ly transportée depuis par don du roy; laquelle, qui l’eust volu ravoir, elle eust esté dangereuse à lui esrachicr des mains. Et meismes ainsi le porta-il en ses paroles, qu'il eust plus tost perdu la vie que les terres.
Parquoy , quand je regardoie les matères estre teles entre les deux personnes et de tel dangier tous deux, peu m’estoit autre espoir, sinon d'avoir rumeurs et turbacions pendant leur vie; de quoy pourtant l'issue pend en Dieu , à nulluy cogneue , fors quand le point vient.
En ceste gloires doncques et victoires que ce duc Charles avoit obtenues et acquises en quatre ans, ilresplendissoit, comme j'ay dit, par toute la terre; et n’y avoit ne roy ne empereur qui n’en feist ung grand pois, ne nacion loingtaine ne‘pays qui ne le doubtast et crainsist par les expériences passées. Et pour ce ai-je dit et narré, qu'il avoit volu affec. ter la magnificence d'ung singulier estat, aveucques la clarté et magnificence de la fortune ; car avoit bien pourquoi l'entretenir et payer, et beaucop mieulx encore s’il eust volu. |
