CHAPITRE CXLIWV

Comment le duc Charles tenoit trois fois la semaire audience , où il falloit que tous les nobles cumparussent autour de ly.

Encore en : russelles, ce duc Charles se détermina à mettre sus et à maintenir royde justice , tant en plainte et en procès de causes comme en punicion des malvais, dontles pays estoient pleins. Et pour ce faire, commist ang prévost des marissaux, ung périlleux varlet, aussi de petite estoffe , mès tout propre pour faire ruyneux esplois. Et pour le fait des parties qui avoient leurs causes pendans devant juges , chà et là, sans en traire fin, et pour recevoir toutes plaintes de povres gens en divers cas, il mist sus une audience, laquelle il tint trois fois la semaine, le lundi, le merquedi et le vendredi, après disner, là où tous les nobles de sa maison estoient assis devant ly en bancs, chascun selon son ordre, sans v oser faillir, etly en son haut-dots couvert de drap d’or, là où il rechevoit toutes requestes, lesquelles il fit lire devant |y, et puis il en ordonna dessus à son plésir. ,

Là se uint deux, trois heures, selong la multitude des requestes, souvent toutes-fois à

grand tanance des assis; mès souffrir en convenoit ; et en apparence cxtériore, ce sambloit estre une chose magnifique et de grand los, comment qu'il en allast du fruit. Mès en mon temps, n’ay veu et oy que chose telle a esté faicte de prince ne de roy ne aultre, ne de tele apparence. Dont, et quand ilalla par ville, de lieu à autre, et d'église en église, c'estoit merveilles de l'ordonnance et de la règle qui y estoit , et de la grant compaignie qu'il menoit. N'y avoit si vieil chevalier ne si jeusne qui y eust osé faillir, ne que escuyer se feust osé trouver entre les chevaliers, fors que chascun en son ordre. Et à matin et à lever, ordonna tout le mande de l'attendre par distinctes chambres. Dont nul n'osoit transgresser, ne passer oultre, chascun selon la dignité de son estat, les escuyers en une leur chambre première, les chevaliers après en une autre chambre seconde, et Îles grans chambrelans les plus prochains qui entroient en sa chambre : c'estoient les trois gérarcies ; et avec tous ceux là, en grand multitude, vuida dehors pour aller à la messe. Dont, sitost que l'offrande estoit faicte, toutes ces nobles gens pooient aller disner ; et trouvoient tout prest, chacun en son estat, pour retourner tout à temps devers 1v ains qu’il feust levé de table : car ainsi le failloit faire, ou perdre ses gages d’un; jour.